తిరిగిరాని లోకాలకు గాయకుడు వి.రామకృష్ణ

Posted: 07/16/2015 09:37 AM IST

ప్రముఖ గాయకుడు వి.రామకృష్ణ తిరిగిరాని లోకాలకు వెళ్లిపోయారు. గతకొంత కాలంగా ఆయన క్యాన్సర్ వ్యాధితో బాధపడుతున్నారు. కాగా ఆయన హైదరాబాద్ లోని జూబ్లీహిల్స్ లోని తన నివాసంలో తుదిశ్వాస విడిచారు. 1947 ఆగష్టు 20న జన్మించారు. 1972లో విడుదలైన ‘విచిత్రబంధం’ సినిమా ద్వారా గాయకుడిగా ఎంట్రీ ఇచ్చారు.

ఆయన ఎన్నో సినిమాల్లో పాటలు పాడారు. రామకృష్ణ పాడిన పాటలు ఇప్పటికీ సూపర్ హిట్స్ గా నిలుస్తున్నాయి. కేవలం సినిమాల్లోనే కాకుండా ఆయన పాడిన భక్తిపాటలు కూడా ఎంతో ప్రజాదారణ పొందాయి. రామకృష్ణ తనయుడు సాయికిరణ్ ‘నువ్వేకావాలి’ సినిమాతో సినీరంగ ప్రవేశం చేసాడు. రామకృష్ణ గారు ఎక్కడున్న కూడా ఆయన ఆత్మకు శాంతి చేకూర్చాలని కోరుకుందాం.