శ్రీమంతుడు ఆడియో ట్రాక్ లిస్ట్ విడుదల

Posted: 07/15/2015 12:52 PM IST

Mahesh babu srimanthudu film audio track list

టాలీవుడ్ స్టార్ హీరో ప్రిన్స్ మహేష్ బాబు, యువ సంగీత దర్శకుడు దేవిశ్రీప్రసాద్ కాంబినేషన్లో ఇప్పటికే ‘1 నేనొక్కడినే’ వంటి మ్యూజికల్ హిట్ చిత్రం వచ్చిన విషయం తెలిసిందే. ఈ సినిమా కమర్షియల్ గా హిట్ సాధించకపోయినప్పటికీ, దేవి సంగీతం అందించిన పాటలు మాత్రం ఇప్పటికీ మారుమోగుతునే వున్నాయి. అయితే వీరి కాంబినేషన్లో వస్తున్న మరో తాజా చిత్రం ‘శ్రీమంతుడు’.

‘మిర్చి’ ఫేం కొరటాల శివ దర్శకత్వంలో తెరకెక్కుతున్న ఈ చిత్రాన్ని మైత్రి మూవీ మేకర్స్ సంస్థ భారీ బడ్జెట్ తో ప్రతిష్టాత్మకంగా నిర్మిస్తుంది. ఇప్పటికే షూటింగ్ మొత్తం పూర్తి చేసుకొని, ప్రస్తుతం పోస్ట్ ప్రొడక్షన్ పనులను వేగవంతం చేసారు చిత్ర యూనిట్. మహేష్ సరసన శృతిహాసన్ తొలిసారిగా హీరోయిన్ గా నటిస్తుంది.

దేవిశ్రీప్రసాద్ సంగీతం అందిస్తున్న ఈ చిత్ర ఆడియోను ఈ నెల 18న హైదరాబాద్ లోని శిల్పకళావేదికలో గ్రాండ్ గా విడుదల చేయనున్నారు. ఈ వేడుకపై చిత్ర థియేటర్ ట్రైలర్ ను కూడా విడుదల చేయనున్నారు. అయితే తాజాగా ఈ చిత్ర ఆడియో ట్రాక్ లిస్ట్ ను విడుదల చేసారు. ఇందులో మొత్తం ఆరు పాటలున్నాయి. ఇప్పటికే విడుదలైన ఫస్ట్ లుక్ టీజర్, పోస్టర్లకు మంచి స్పందన వచ్చింది.

భారీ అంచనాలతో రూపొందుతున్న ఈ చిత్రంలో ఇందులో జగపతి బాబు, సుకన్య, రాహుల్ రవీంద్రన్ తదితరులు ముఖ్య పాత్రల్లో నటిస్తున్నారు. ఈ చిత్రాన్ని ఆగష్టు 7వ తేదిన ప్రపంచ వ్యాప్తంగా భారీ ఎత్తున విడుదల చేయడానికి చిత్ర నిర్మాతలు సన్నాహాలు చేస్తున్నారు. త్వరలోనే అన్ని వివరాలు ప్రకటించనున్నారు.

Mahesh Srimanthudu Audio Track List-02