డాక్టర్ ను పెళ్లిచేసుకోబోతున్న శరణ్య మోహన్

Posted: 07/14/2015 11:22 AM IST

‘విలేజ్ లో వినాయకుడు’, ‘భీమిలీ కబడ్డీ జట్టు’ చిత్రాలలో హీరోయిన్ గా నటించిన నటి శరణ్య మోహన్ త్వరలోనే పెళ్లిపీటలు ఎక్కనుంది. శరణ్య నిశ్చితార్థం ఇటీవలే డాక్టర్ అరవింద్ కృష్ణన్ తో ఘనంగా జరిగింది. ఈ విషయాన్ని స్వయంగా శరణ్య తన సోషల్ మీడియా ట్విట్టర్ ద్వారా తెలియజేసింది.

ఇప్పటి వరకు చాలా చిత్రాల్లో శరణ్య నటించినప్పటికీ.. ఏ సినిమాలో కూడా గ్లామర్ పాత్రలలో నటించలేదు. కనీసం తన నడుము అందాలను కూడా బహిర్గతం కాకుండా జాగ్రత్తలు తీసుకుంది. కేవలం నటిగా తనను తాను నిరూపించుకుంటూ చక్కని పాత్రలలో నటించింది. త్వరలోనే పెళ్లి చేసుకొని సినిమాలకు స్వస్తి పలుకనుంది. మరి త్వరలోనే శరణ్య తన పెళ్లి తేదిని ప్రకటించనుంది.