అల్లరోడి జేమ్స్ బాండ్ విడుదలకు మళ్లీ బ్రేక్

Posted: 07/13/2015 11:44 AM IST

Allari naresh james bond movie again postponed

అల్లరి నరేష్, సాక్షి చౌదరి హీరోహీరోయిన్లుగా నటిస్తున్న తాజా చిత్రం ‘జేమ్స్ బాండ్’. ఈ చిత్రం గతకొద్ది రోజులుగా వాయిదా మీద వాయిదా పడుతూ వస్తోంది. నరేష్ నటించిన ‘జేమ్స్ బాండ్ - నేను కాదు నా పెళ్లాం’ సినిమా గత నెల 26 న విడుదల చేయాలని అనుకున్నారు. కానీ ఎందుకో కొన్ని అనివార్య కారణాల వల్ల వాయిదా వేసారు. ఆ తర్వాత జులై 17న విడుదల చేయబోతున్నట్లు అల్లరి నరేష్ ప్రకటించాడు.

కానీ జులై 10న విడుదలైన ‘బాహుబలి’ అన్ని థియేటర్లలో కలెక్షన్ల వర్షం కురిపిస్తుంది. కాబట్టి కొత్త సినిమాలు, చిన్న సినిమాలకు థియేటర్లు దొరకడం కష్టమవుతోంది. దీంతో ఈ సమస్య వల్ల ‘జేమ్స్ బాండ్’ చిత్రాన్ని జులై 24కు వాయిదా వేసారు. జులై 24న ఈ చిత్రాన్ని విడుదల చేయనున్నారు.

ఇప్పటికే విడుదలైన పాటలు, ట్రైలర్లకు మంచి స్పందన వస్తుంది. సెన్సార్ కార్యక్రమాలను పూర్తి చేసుకుని U/A సర్టిఫికెట్ ను సొంతం చేసుకుంది. కామెడీ ఎంటర్ టైనర్ గా రూపొందిన ఈ చిత్రంలో నరేష్ భార్యగా సాక్షి చౌదరి లేడీ మాఫియా డాన్ పాత్రలో నటించింది. ఏకె ఎంటర్ టైన్మెంట్స్ బ్యానర్ పై అనిల్ సుంకర నిర్మిస్తున్న ఈ సినిమా ద్వారా సాయి కిషోర్ దర్శకుడిగా పరిచయం అవుతున్నాడు. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.