మహేష్ బాబు శ్రీమంతుడు పాటలు లీక్

Posted: 06/17/2015 05:20 PM IST

ఇప్పటి వరకు సినిమాలనే కాకుండా ఇపుడు ఏకంగా పాటలను కూడా లీక్ చేసేస్తున్నారు. ఆడియో విడుదలకు ముందే పాటలు లీక్ అయిపోతున్నాయి. తాజాగా ఈ జాబితాలోకి మహేష్ ‘శ్రీమంతుడు’ వచ్చి చేరింది.

మహేష్ బాబు నటిస్తున్న ‘శ్రీమంతుడు’ చిత్రానికి యువ సంగీత దర్శకుడు దేవిశ్రీప్రసాద్ సంగీతం అందిస్తున్నాడు. అయితే ఈ చిత్ర ఆడియో ట్రాక్ లు తాజాగా లీక్ అయ్యాయి. వాట్సప్, సోషల్ మీడియా నెట్ వర్కింగ్ సైట్లలో ఈ ఆడియో ట్రాక్ లు తెగ హల్చల్ చేస్తున్నాయి.

గతంలో దేవి సంగీతం అందించిన పలు చిత్రాల ఆడియో ట్రాక్ లు కూడా ఇలాగే లీక్ అయ్యాయి. కానీ వీటిపై దర్శకనిర్మాతలు ఎన్నడూ కూడా సీరియస్ అవ్వలేరు. ఇప్పుడు కూడా ఈ విషయాన్ని తేలికగా తీసుకున్నారు. అయితే ఈ లీకైన ఆడియో ట్రాక్ లపై కొందరు రివ్యూలు కూడా రాసేస్తున్నారు.

మొత్తానికి మహేష్ ‘శ్రీమంతుడు’ చిత్రానికి ఆడియో నుంచే లీకులు మొదలయ్యాయన్నమాట. కొరటాల శివ దర్శకత్వంలో తెరకెక్కుతున్న ఈ చిత్రంలో మహేష్ సరసన శృతిహాసన్ హీరోయిన్ గా నటిస్తుంది. ఈ చిత్ర ఆడియోను జూన్ 26న విడుదల చేయడానికి సన్నాహాలు చేస్తున్నారు. అలాగే ఈ చిత్రాన్ని జులై 17న ప్రపంచ వ్యాప్తంగా విడుదల చేయాలని చిత్ర యూనిట్ ప్రయత్నిస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.