అజయ్ దేవగణ్ దృశ్యం థియేటర్ ట్రైలర్

Posted: 06/05/2015 09:59 AM IST

మలయాళం, తెలుగు, కన్నడ భాషలలో భారీ విజయాన్ని సొంతం చేసుకున్న ‘దృశ్యం’ చిత్రాన్ని ప్రస్తుతం తమిళంలో కూడా రీమేక్ చేస్తున్నారు. ‘పాపనాశం’ పేరుతో తెరకెక్కుతున్న ఈ చిత్రంలో కమల్ హాసన్, గౌతమి ప్రధాన పాత్రలలో నటిస్తున్నారు. త్వరలోనే ఈ చిత్రం కూడా ప్రేక్షకుల ముందుకు రానుంది.

ఈ ‘దృశ్యం’ చిత్రాన్ని హిందీలో కూడా రీమేక్ చేస్తున్నారు. అజయ్ దేవగణ్, శ్రియ సరన్ జంటగా నటిస్తున్న ఈ చిత్రం విడుదలకు సిద్ధమవుతోంది. ఒరిజనల్ వర్షెన్ లో నదియా నటించిన పోలీస్ ఆఫీసర్ పాత్రలో హిందీలో టబు నటిస్తుంది. తాజాగా ఈ చిత్ర థియేటర్ ట్రైలర్ ను విడుదల చేసారు.

ఈ ట్రైలర్ చూస్తుంటే ఒరిజినల్ వర్షెన్ ను అచ్చం అలాగే దించేసినట్లుగా అనిపిస్తుంది. ఈ చిత్రాన్ని హిందీలో Viacom18 నిర్మించనున్నారు. నిషికాంత్ కమాత్ దర్శకత్వం వహించనున్నారు. జులై 31న గ్రాండ్ గా ఈ చిత్రాన్ని విడుదల చేయనున్నారు. మరి హిందీలో ఈ సినిమా ఎలాంటి విజయం సాధించనుందో చూడాలి.