వివాదాల్లో ఆంధ్రాపోరీ టైటిల్... నేడే కోర్టు తీర్పు!

Posted: 06/03/2015 12:04 PM IST

ప్రముఖ దర్శకుడు పూరీ జగన్నాధ్ తనయుడు ఆకాష్ పూరీ హీరోగా నటించిన తాజా చిత్రం ‘ఆంధ్రాపోరీ’. ఈ చిత్ర టైటిల్ ప్రస్తుతం వివాదాల్లో నిలిచింది. ఆంధ్రా, తెలంగాణ అంటూ రెండు రాష్ట్రాలు ఏర్పడిన విషయం తెలిసిందే. అయితే ‘ఆంధ్రాపోరీ’ అనే టైటిల్ వలన తమ మనోభావాలు దెబ్బతింటున్నాయంటూ కొంత మంది ఈ సినిమా టైటిల్ పై కేసు వేసారు.

ఈ కేసుపై నేడు కోర్టు విచారణ జరుపనుంది. ‘ఆంధ్రాపోరీ’ అనే టైటిల్ ను కోర్టు అంగీకరిస్తుందో లేక టైటిల్ మార్చవలసి వస్తుందో మరికొద్ది గంటల్లో తెలియనుంది. ఆకాష్ హీరోగా ఎంట్రీ ఇస్తున్న మొదటి సినిమాకే ఈ విధంగా వివాదం రేగడంతో ఈ సినిమా గురించి తెలియనివారికి కూడా బాగా చేరువయ్యిందని చెప్పుకోవచ్చు.

ఆకాష్ పూరీ, ఉల్కా గుప్తా జంటగా నటించిన ఈ చిత్ర ఆడియో ఇటీవలే విడుదలయ్యింది. పాటలు, ట్రైలర్లకు మంచి స్పందన వస్తోంది. మాస్ లవ్ ఎంటర్ టైనర్ గా రూపొందిన ఈ చిత్రాన్ని ఈనెల 5న ప్రేక్షకుల ముందుకు తీసుకురావడానికి సన్నాహాలు చేస్తున్నారు. మరి ఈ టైటిల్ వివాదంపై కోర్టు ఎలాంటి తీర్పునివ్వనుందో చూడాలి.