మహేష్ కు శ్రీమంతుడు టైటిల్ ఖరారు

Posted: 05/20/2015 03:03 PM IST

Mahesh koratala shiva film title srimanthudu confirmed

‘మిర్చి’ తర్వాత ప్రముఖ దర్శకుడు కొరటాల శివ దర్శకత్వంలో ప్రిన్స్ మహేష్ బాబు హీరోగా ఓ చిత్రం తెరకెక్కుతున్న విషయం తెలిసిందే. మైత్రి మూవీస్ బ్యానర్ పై రూపొందుతున్న ఈ చిత్రంలో మహేష్ సరసన తొలిసారిగా శృతిహాసన్ హీరోయిన్ గా నటిస్తుంది. దేవిశ్రీప్రసాద్ సంగీతం అందిస్తున్నాడు.

ఈ చిత్రానికి రకరకాల టైటిల్స్ వినిపించాయి. కానీ చివరకు ‘శ్రీమంతుడు’కే చిత్ర యూనిట్ ఓకే చేసారు. ‘శ్రీమంతుడు’ టైటిల్ ఈ సినిమాకు సరిగ్గా సరిపోతుందని, అందుకే ఈ టైటిల్ ఖరారు చేసినట్లుగా దర్శకుడు స్పష్టం చేసాడు. ప్రస్తుతం ఈ చిత్ర షూటింగ్ శరవేగంగా జరుగుతోంది.

పోస్ట్ ప్రొడక్షన్ కార్యక్రమాలను కూడా వేగవంతం చేసారు. ఈ చిత్ర ఫస్ట్ లుక్ పోస్టర్ ను సూపర్ స్టార్ కృష్ణ పుట్టినరోజు సంధర్భంగా మే 31న విడుదల చేయనున్నారు. ఇందులో జగపతి బాబు, సుకన్య, రాహుల్ రవీంద్రన్ కీలక పాత్రలలో నటిస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.