లయన్ ఫస్ట్ డే కలెక్షన్స్ రిపోర్ట్

Posted: 05/15/2015 03:29 PM IST

నందమూరి బాలకృష్ణ హీరోగా త్రిష, రాధిక ఆప్టే హీరోయిన్లుగా నటించిన ‘లయన్’ సినిమా నిన్న(మే 14) ప్రపంచ వ్యాప్తంగా, అత్యధిక థియేటర్లలో భారీ ఎత్తున విడుదలైన విషయం తెలిసిందే. రుద్రపాటి రమణారావు నిర్మించిన ఈ చిత్రం ద్వారా సత్యదేవా దర్శకుడిగా పరిచయమయ్యాడు. మణిశర్మ సంగీతం అందించాడు.

భారీ అంచనాలతో విడుదలైన ఈ చిత్రం మంచి టాక్ ను సొంతం చేసుకుంది. ముఖ్యంగా బి,సి సెంటర్లలో భారీ రెస్పాన్స్ వస్తోంది. బాలయ్య డైలాగులు, ఫైట్లు, డాన్సులకు అభిమానులు పండగ చేసుకుంటున్నారు. మాస్ ప్రేక్షకులకు నచ్చే విధంగా రూపొందిన ఈ చిత్రం అన్ని థియేటర్లలో హౌస్ ఫుల్ కలెక్షన్లతో దుమ్ముధులుపుతోంది.

‘లయన్’ విడుదలైన మొదటిరోజే ఆంధ్రపదేశ్, తెలంగాణ రాష్ట్రాల్లో కలిపి మొత్తం 5.52 కోట్లు సాధించింది. బాలయ్య ‘లయన్’ కలెక్షన్లలో ఇదే దూకుడుతో వుంటే.. మొదటి వారంలోనే ఓ కొత్త రికార్డు నెలకొల్పే అవకాశాలున్నట్లుగా సినీవర్గాల అంచనా. ప్రాంతాల వారి కలెక్షన్ల వివరాలు ఈ క్రింది విధంగా వున్నాయి.

ఏరియా కలెక్షన్స్

నైజాం : 1.47కోట్లు
సీడెడ్: 1.20 కోట్లు
ఉత్తరాంధ్ర : 49.13 లక్షలు
ఈస్ట్ : 43 లక్షలు
వెస్ట్ : 45 లక్షలు
కృష్ణా : 44.76 లక్షలు
గుంటూరు : 70 లక్షలు
నెల్లూరు : 33.19 లక్షలు.

మొత్తం 5.52కోట్లు