అవికాతో రొమాన్స్.. మామకు సినిమా!

Posted: 05/12/2015 10:52 AM IST

‘ఉయ్యాల జంపాల’ చిత్రం ద్వారా టాలీవుడ్ వెండితెరకు పరిచయమైన నటీనటులు అవికా గోర్, రాజ్ తరుణ్. ఈ సినిమాలో నిజమైన బావమరదళ్లుగా నటించి, మంచి మార్కులు కొట్టేసారు. వీరిద్దరి కెమిస్ట్రీ బాగుందని విమర్శకుల ప్రశంసలు దక్కించుకున్నారు. అలాంటి వీరిద్దరూ మళ్లీ కలిసి నటిస్తున్న తాజా చిత్రం ‘సినిమా చూపిస్త మావ’.

అంజిరెడ్డి ప్రొడక్షన్స్, ఆర్.డి.జి ప్రొడక్షన్స్ ప్రై.లిమిటెడ్ సమర్పణలో ఆర్యత్ సినీ ఎంటర్ టైన్మెంట్స్, లక్కీ మీడియా బ్యానర్లలో అంజిరెడ్డి, రూపేష్, డి.గోపాల్, రాజశేఖర్ రెడ్డి, బెక్కెం వేణుగోపాల్ సంయుక్తంగా నిర్మిస్తున్న ఈ చిత్రానికి త్రినాధరావు నక్కిన దర్శకత్వం వహిస్తున్నారు.

తాజాగా ఈ చిత్ర ఫస్ట్ లుక్ పోస్టర్ మరియు ట్రైలర్ ను విడుదల చేసారు. కామెడీ లవ్ ఎంటర్ టైనర్ గా రూపొందుతోంది. ఇందులో రావు రమేష్ కీలక పాత్రలో నటిస్తున్నాడు. శేఖర్ చంద్ర సంగీతం అందిస్తున్నాడు. త్వరలోనే ఆడియో విడుదల చేసి, సినిమాను ప్రేక్షకుల ముందుకు తీసుకురానున్నారు.