వెనక్కితగ్గిన మంచులక్ష్మీ దొంగాట

Posted: 04/30/2015 09:52 AM IST

Manchu lakshmi dongaata movie release delay

మంచు లక్ష్మీ ప్రధాన పాత్రలో నటించిన తాజా చిత్రం ‘దొంగాట’. వంశీకృష్ణ దర్శకుడిగా పరిచయమవుతున్న ఈ చిత్రంలో అడవి శేషు, మధు. ప్రభాకర్ ప్రధాన పాత్రలలో నటించారు. విద్యానిర్వాణ సమర్పణలో మంచు ఎంటర్ టైన్మెంట్స్ ప్రై.లిమిటెడ్ పతాకంపై మంచులక్ష్మీ స్వయంగా నిర్మించారు.

ఇటీవలే సెన్సార్ కార్యక్రమాలను పూర్తి చేసుకొని U/A సర్టిఫికెట్ ను దక్కించుకుంది. అయితే ఈ చిత్రాన్ని ముందుగా మే 1వ తేదిన విడుదల చేయాలని అనుకున్నారు. కానీ తాజాగా ఈ చిత్ర విడుదలను వాయిదా వేసారు. మే 1వ తేదిన ‘గంగ’, ‘ఉత్తమ విలన్’ వంటి రెండు పెద్ద చిత్రాలు విడుదలవుతుండటంతో ‘దొంగాట’ చిత్ర విడుదలను వాయిదా వేసారు.

మే 15న ఈ చిత్రాన్ని విడుదల చేయడానికి ప్రస్తుతం చిత్ర యూనిట్ సన్నాహాలు చేస్తున్నారు. ఎందుకంటే మే 8న బాలయ్య ‘లయన్’ సినిమా ప్రపంచ వ్యాప్తంగా భారీ ఎత్తున విడుదలవుతుంది కాబట్టి.. మే 15న ‘దొంగాట’ చిత్రాన్ని విడుదల చేయడానికి ప్రయత్నిస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.

ఇటీవలే విడుదలైన పాటలకు, టీజర్లకు మంచి రెస్పాన్స్ వస్తోంది. ముఖ్యంగా మంచు లక్ష్మీ పాడిన ‘యాందిరో...’ అనే పాటకు ప్రశంసలు వస్తున్నాయి. ఈ సినిమాలో రానా స్పెషల్ గెస్ట్ రోల్ లో నటించాడు. ఇక ఈ సినిమాలోని ‘బ్రేకప్...’ సాంగ్ లో నాగార్జున, రవితేజ, మనోజ్, రానా, శింబు, నాని, సుధీర్ బాబు, సుశాంత్, నవదీప్ లు స్పెషల్ డాన్స్ చేసారు.