ఆ పని చేస్తుంటే నచ్చకే కావాలనే ఇరికించారట!

Posted: 04/29/2015 11:22 AM IST

Actress kalyani talks about her gambling case

సినీ నటి కరాటే కళ్యాణి అరెస్టు విషయంలో కొత్త విషయాలు బయటపడుతున్నాయి. కళ్యాణి ఇటీవలే పేకాట ఆడుతూ పోలీసులు రైడ్ లో దొరికిపోయిన విషయం తెలిసిందే. ఈ రైడ్ లో కళ్యాణితో పాటు మరో 11 మందిని పోలీసులు అదుపులోకి తీసుకున్నారు. పేకాట స్థావరంలో 75వేల నగదు, 8 మొబైల్ ఫోన్లు స్వాధీనం చేసుకున్నట్లుగా పోలీసులు తెలిపారు.

అయితే ఈ అరెస్టు వెనుక ఎవరో వున్నట్లుగా తెలుస్తోంది. తనను కావాలనే అరెస్టు చేసారని, అక్కడ చాలా మంది పెద్ద మనుషులు కూడా పేకాట ఆడుతున్నప్పటికీ వారిని పట్టుకోకుండా తనను అరెస్ట్ చేయడం వెనుక ఏదో కుట్ర వుందని కళ్యాణి తన ఆవేదన వ్యక్తం చేసింది. అయితే ఈ విషయంపై మీడియా వారు సంయమనం పాటించాలని, తప్పుడు వార్తలు రాయవద్దని విజ్ఞప్తి చేసింది.

నిజానికి తాను ఓ హరికథ కళాపీఠం ఏర్పాటు చేయడానికి ప్రయత్నిస్తున్నట్లుగా కళ్యాణి చెప్పుకొచ్చింది. కానీ ఈ కళాపీఠం ఏర్పాటు చేయడం ఇష్టంలేని వ్యక్తులే కుట్రచేసి ఇలా తనను కావాలనే అరెస్టు చేయించారని ఆమె చెప్పుకొచ్చింది. అయినా తనకు పేకాట ఆడే అలవాటు వుందని, అయితే ఏదైనా తప్పుంటే కోర్టు తనకు శిక్ష వేస్తుందని తెలిపింది.

మరి కళ్యాణి అరెస్టు వెనుక వున్న ఆ వ్యక్తులెవరు? కళ్యాణి చెబుతున్న మాటల్లో ఎలాంటి నిజాలున్నాయి? అసలు కళ్యాణితో పాటు ఆ సమయంలో ఇంకా ఎవరెవరూ పేకాట ఆడారు? అనే విషయాలపై త్వరలోనే అన్ని వివరాలు తెలియనున్నాయి.

అడ్డంగా దొరికిపోయిన సినీ నటి కళ్యాణి