జ్యోతిక ‘36వయదినిలే’కు క్లీన్ U సర్టిఫికెట్

Posted: 04/16/2015 11:57 AM IST

Jyothika 36 vayadhinile movie censor report

చంద్రముఖిగా అందరిని భయపెట్టిన జ్యోతిక.... ఈసారి చాలా సున్నితమైన పాత్రలో కనిపించబోతుంది. దాదాపు 5 ఏళ్ల విరామం తర్వాత జ్యోతిక నటిస్తున్న తాజా తమిళ చిత్రం ‘36వయదినిలే’. మలయాళంలో మంజు వారియర్ నటించిన ‘How Old Are You’ చిత్రానికి రీమేక్ ఇది.

సూర్య తన సొంత బ్యానరైన ‘2D Entertainment’లో నిర్మిస్తున్నాడు. రోషన్ అండ్రెవ్స్ దర్శకత్వం వహిస్తున్నాడు. ఇటీవలే విడుదలైన పాటలు, ట్రైలర్ లకు మంచి స్పందన వస్తోంది. ప్రస్తుతం ఈ చిత్రం ప్రేక్షకుల ముందుకొచ్చెందుకు సిద్ధమవుతుంది. తాజాగా సెన్సార్ కార్యక్రమాలను కూడా పూర్తి చేసుకుంది.

సెన్సార్ వారు ఈ చిత్రానికి క్లీన్ U సర్టిఫికెట్ ను అందజేసారు. తమిళంలో భారీ అంచనాలు ఏర్పరచుకున్న ఈ చిత్రం ఎలాంటి విజయం సాధిస్తుందో, జ్యోతిక-సూర్యలకు ఎలాంటి లాభాలను తెచ్చిపెట్టనుందో త్వరలోనే తెలియనుంది.