తమిళంలో మహేష్, వెంకీల ఆనందం ఆనందమే

Posted: 04/07/2015 10:39 AM IST

విక్టరీ వెంకటేష్, మహేష్ బాబులు ప్రధాన పాత్రలలో నటించిన మల్టీస్టారర్ బ్లాక్ బస్టర్ హిట్ చిత్రం ‘సీతమ్మ వాకిట్లో సిరిమల్లె చెట్టు’. శ్రీకాంత్ అడ్డాల దర్శకత్వంలో తెరకెక్కిన ఈ చిత్రాన్ని శ్రీ వెంకటేశ్వర క్రియేషన్స్ బ్యానర్లో నిర్మాత దిల్ రాజు నిర్మించారు.

ఈ చిత్రంలో వెంకీ సరసన అంజలి, మహేష్ సరసన సమంత హీరోయిన్లుగా నటించారు. ఇద్దరు అన్నదమ్ముల మధ్య వుండే అనుబంధాలు, అప్యాయతలు... ఓ మధ్యతరగతి కుటుంబానికి సంబంధించిన అన్ని అంశాలను చాలా చక్కగా చూపించారు.

ప్రేమ, అప్యాయతాలు, అనుబంధాలను చాలా చక్కగా చూపించారు. అయితే ఈ చిత్రాన్ని ప్రస్తుతం తమిళంలోకి డబ్బింగ్ చేసి విడుదల చేయడానికి సన్నాహాలు చేస్తున్నారు. ఈ చిత్రాన్ని తమిళంలో ‘ఆనందం ఆనందమే’ పేరుతో డబ్బింగ్ చేసి విడుదల చేయనున్నారు.

నిజానికి తెలుగులో విడుదలైన కొద్ది రోజులకే తమిళంలో కూడా డబ్బింగ్ చేసి విడుదల కావాల్సింది. కానీ కొన్ని అనివార్య కారణాల వల్ల వాయిదా వేస్తూ వచ్చారు. ప్రస్తుతం తమిళంలో ఈ ‘ఆనందం ఆనందం’ సినిమా విడుదలకు సిద్దమవుతోంది. మరి తమిళంలో ఎలాంటి విజయం సాధించనుందో చూడాలి.

Video Courtesy: Aditya Telugu & Hindi Movies