సన్నాఫ్ సత్యమూర్తి ప్రమోషనల్ సాంగ్... బన్నీ, దేవి చిందులు

Posted: 04/02/2015 10:06 AM IST

Son of satyamurthy movie promotional song

గతంలో అల్లు అర్జున్, త్రివిక్రమ్ శ్రీనివాస్, దేవిశ్రీప్రసాద్ కాంబినేషన్లో ‘జులాయి’ అనే చిత్రం తెరకెక్కింది. ఈ సినిమా భారీ వసూళ్లు సాధించలేకపోయినా... మంచి విజయం సాధించింది. ఈ చిత్ర విడుదల సమయంలో ‘పకడో పకడో’ అనే ప్రమోషనల్ సాంగ్ లో బన్నీ, దేవిలు చిందులేసి, సినిమాకు భారీ ప్రమోషన్స్ చేసిన విషయం తెలిసిందే. ఈ పాట అప్పట్లో మాంచి హిట్టయ్యింది. వీరి కాంబినేషన్లో తాజాగా ‘సన్నాఫ్ సత్యమూర్తి’ చిత్రం తెరకెక్కిన విషయం తెలిసిందే.

అల్లు అర్జున్ హీరోగా త్రివిక్రమ్ దర్శకత్వంలో తెరకెక్కిన ‘సన్నాఫ్ సత్యమూర్తి’ చిత్రానికి దేవిశ్రీప్రసాద్ సంగీతం అందించాడు. ఇటీవలే విడుదలైన ఈ చిత్ర ఆడియోకు మంచి స్పందన వస్తుంది. ఈ సినిమా ప్రమోషన్స్ కోసం మరోసారి బన్నీ, దేవిలు ‘1,2,3,4..’ అంటూ ఓ ప్రమోషనల్ సాంగ్ ను రూపొందించారు. ఈ పాట వినడానికి బాగానే వున్నా... ప్రమోషన్స్ కోసం చేసిన వీరి చిందులు మాత్రం చిరాకుగా అనిపిస్తున్నాయి.

ఏదో ఈవెంట్ లో చేసినట్లుగా సింపుల్ గా చేసేసి.. ప్రమోషన్ సాంగ్ గా విడుదల చేసారు. ఈ ప్రమోషనల్ సాంగ్ టీజర్ మీకోసం అందిస్తున్నాం.. మీరు ఓ లుక్కేయండి. ఇక ఈ సినిమాలో కన్నడ స్టార్ హీరో ఉపేంద్ర, నటి స్నేహ, నటులు రాజేంద్రప్రసాద్, సింధుతులానీలు కీలక పాత్రల్లో నటించారు.

బన్నీ సరసన సమంత, నిత్యామీనన్, ఆదాశర్మ హీరోయిన్లుగా నటించారు. ఈ చిత్రాన్ని ప్రపంచ వ్యాప్తంగా ఏప్రిల్ 9న గ్రాండ్ గా విడుదల చేయనున్నారు. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.