ఒకరికి ఒకరుగా చైతన్య, కృతిసనన్

Posted: 03/30/2015 10:19 AM IST

నాగచైతన్య నటిస్తున్న తాజా చిత్రం ‘దోచేయ్’. ఈ సినిమాలోని రోజుకో పాటతో అక్కినేని నాగచైతన్య హల్చల్ చేస్తున్నాడు. ఈ చిత్రానికి సంబంధించిన పాటల టీజర్లు రోజుకొకటి చొప్పున విడుదలవుతున్నాయి. ఇటీవలే ‘నచ్చితే ఏ పనైనా...’ అనే సాంగ్ టీజర్ విడుదలై విషయం తెలిసిందే.

తాజాగా మరో సాంగ్ టీజర్ ను విడుదల చేసారు. ‘ఒకరికి ఒకరు’ అంటూ సాగే ఈ పాట చాలా బాగుంది. నాగచైతన్య సరసన ‘1 నేనొక్కడినే’ ఫేం కృతిసనన్ హీరోయిన్ గా నటిస్తుంది. ఇందులో వీరి కెమిస్ట్రీ బాగున్నట్లుగా కనిపిస్తుంది. ఈ చిత్రానికి సన్నీఎం.ఆర్ సంగీతం అందిస్తున్నాడు.

‘స్వామిరారా’ ఫేం దర్శకుడు సుధీర్ వర్మ దర్శకత్వంలో తెరకెక్కుతున్న ఈ చిత్రాన్ని శ్రీ వెంకటేశ్వర సినీచిత్ర బ్యానర్లో నిర్మాత బి.వి.ఎస్.ఎన్.ప్రసాద్ నిర్మిస్తున్నారు. ఏప్రిల్ 3న ఆడియో విడుదల కార్యక్రమం ఘనంగా చేయనున్నారు. అలాగే ఈ చిత్రాన్ని ఏప్రిల్ 17న ప్రపంచ వ్యాప్తంగా విడుదల చేయనున్నారు.