మరోసారి గొంతు సవరించుకుంటున్న స్వాతి

Posted: 03/23/2015 11:24 AM IST

Colors swathi reddy singing another song in tamil movie with simbu

యాంకర్ గా కెరీర్ ప్రారభించిన కలర్స్ స్వాతి.. ఆ తర్వాత చిత్రపరిశ్రమలో ఎంట్రీ ఇచ్చి అనతికాలంలోనే హీరోయిన్ గా తనకంటూ ప్రత్యేక గుర్తింపు తెచ్చుకుంది. తెలుగులో కన్నా తమిళ, మలయాళ భాషల్లో ఎక్కువగా సినిమాలు చేస్తున్న స్వాతిలో సింగింగ్ టాలెంట్ కూడా వుందన్న విషయం తెలిసిందే! గతంలో ‘100% లవ్’ చిత్రంలో ఈమె పాడిన ‘ఏ స్క్వేర్ బీ స్క్వేర్’ పాట మంచి పాపులర్ అయింది కూడా! ఇప్పుడు మరోసారి ఈ భామ తన గొంతును సవరించుకునే పనిలో పడిందని సమాచారం!

మ్యూజిక్ డైరెక్టర్ ఎస్ఎస్ థమన్ కు టాలీవుడ్ తోపాటు కోలీవుడ్ లోనూ మంచి క్రేజుంది. ఈ నేపథ్యంలోనే ఇతనికి అక్కడి నుంచి కూడా ఆఫర్లు వస్తున్నాయి. ఈ క్రమంలోనే తమిళంలో ఓ సినిమాకు ఇతగాడు ట్యూన్స్ అందిస్తున్నాడు. ఇంకొక విషయం ఏమిటంటే.. ఇతను పాటలందించే ప్రతి సినిమాలోని ఒక పాటను ఆ మూవీకి సంబంధించి హీరోహీరోయిన్లతోగానీ లేదా ఇతర సెలబ్రిటీలతోగానీ పాడిస్తుంటాడు. ఇప్పుడు తాను పాటలందిస్తున్న తమిళ చిత్రంలోని ఓ పాటను స్వాతితో పాడించాలని భావించాడు. ఈ విషయమై ఆమెతో చర్చించగా.. తాను పాడేందుకు సిద్ధమని స్వాతి గ్రీన్ సిగ్నల్ ఇచ్చిందని సమాచారం!

తమన్ సంగీతం సమకూరుస్తున్న ‘అప్పా టక్కర్’ అనే సినిమాలో స్వాతి ఓ పాట పాడనుంది. అది కూడా హీరో శింబుతో కలిసి ఓ మసాలా సాంగు పాడనుంది. ఈ పాటను త్వరలోనే రికార్డు చేయనున్నట్లు ఆ మూవీ యూనిట్ వర్గాలు తెలుపుతున్నాయి.