పీపుల్ స్టార్ చేతుల మీదుగా పవనిజం సాంగ్

Posted: 03/18/2015 09:48 AM IST

ప్రముఖ దర్శకుడు వైవియస్ చౌదరి స్వీయ దర్శకనిర్మాణంలో తెరకెక్కిన చిత్రం ‘రేయ్’. సాయిధరమ్ తేజ్ హీరోగా నటించిన మొదటి చిత్రమిది. గతకొద్ది కాలంగా విడుదల విడుదల కాకుండా వాయిదాలు పడుతూ వస్తున్న ఈ చిత్రం త్వరలోనే ప్రేక్షకుల ముందుకు రాబోతుంది.

అయితే ఈ సినిమాలో పవర్ స్టార్ పవన్ కళ్యాణ్ కోసం ‘పవనిజం’ అంటూ ఓ స్పెషల్ సాంగ్ ను ప్రమోషనల్ సాంగ్ గా కంపోజ్ చేసారు. ఈ పాటపై సాయిధరమ్ తేజ్ అదిరిపోయే స్టెప్పులను కూడా వేసినట్లుగా తెలిసింది. అయితే ఈపాటను నిన్న సాయంత్రం విడుదల చేసారు.

ఈ పాటను ప్రముఖ నటుడు, దర్శకుడు పీపుల్స్ స్టార్ ఆర్.నారాయణ మూర్తి చేతుల మీదుగా విడుదల చేసారు. ఒక ఆడియో విడుదల తరహాలోనే ఈ పాటను విడుదల చేసారు. ఈ చిత్రానికి చక్రి సంగీతం అందించారు. సయామీ ఖేర్, శ్రద్ధాదాస్ లు హీరోయిన్లుగా నటించారు. ఈ చిత్రాన్ని మార్చి 27న విడుదల చేయడానికి సన్నాహాలు చేస్తున్నారు.