బాలయ్య లయన్ చిత్రం ఆడియో రిలీజ్ తేదీ ఖరారు..?

Posted: 03/15/2015 11:54 AM IST

సత్యదేవ దర్శకత్వంలో రూపోందుతున్న నందమూరి నటసింహం బాలకృష్ణ 98వ చిత్రం లయన్ ఆడియో త్వరలోనే విడుదల కాబోతుంది. ఎప్పుడు..? ఎక్కడ..? అనుకుంటున్నారా..? మీకే కాదు నందమూరి బాలయ్య అభిమానులందరూ ఎంతో ఉత్కంఠగా ఎదురుచూస్తున్న ఈ చిత్రం ఆడియోను ఏప్రిల్ 9న విడుదల చేయాలని చిత్ర యూనిట్ సంకల్పించిందని సమాచారం. లయన్ చిత్రంతో తన అభిమానులకు మంచి విందునివ్వబోతున్నబాలకృష్ణ... అంతకన్నా ముందుగా వారికి ఆడియోను హిట్ అన్న గిఫ్ట్ ఇచ్చేందుకు అన్ని చర్యలు తీసుకున్నారని తెలుస్తోంది. ఆగండాగండీ... అక్కడికే వస్తున్నాం.. సినిమా ఆడియోను ఎక్కడ రీలీజ్ చేస్తున్నారనేగా మీ ప్రశ్న.. ఈ సినిమా ఆడియోని ఏప్రిల్ 9న శిల్పకళ వేదికలో గ్రాండ్ గా జరగనుందని సమాచారం. ఈ ఆడియో లాంచ్ కి ముఖ్య అతిధిగా ఆంధ్రప్రదేశ్ ముఖ్యమంత్రి చంద్రబాబు కూడా హాజరు కానున్నారని సమాచారం.

రమారమి ‘లయన్’. షూటింగ్ మొత్తం పూర్తి చేసుకుని.. ప్యాచ్ వర్క్ సీన్స్ ని ప్రస్తుతం షూట్ చేస్తున్నారు. ఇటీవలే అన్నపూర్ణ స్టూడియోస్ లో ప్రధాన తారాగణంపై ఓ ఫ్యామిలీ సాంగ్ షూట్ ని ఫినిష్ చెయ్యడంతో ఈ సినిమా షూటింగ్ పూర్తయ్యింది. ఈ సినిమాలో బాలయ్య సరసన త్రిష, రాధిక ఆప్టే హీరోయిన్లుగా నటిస్తున్నారు. రుద్రపాటి రమణారావు నిర్మాత. మణిశర్మ సంగీతం అందించాడు. లయన్ సినిమాలో బాలకృష్ణ సిబిఐ ఆఫీసర్ గా, సామాన్యుడిగా ద్విపాత్రాభినయం చేస్తున్నారు. దీంతో అభిమానుల కనుల విందు తీరనుంది. చాలా రోజుల గ్యాప్ తరువాత బాలయ్య డబుల్ రోల్ చిత్రం విడుదల కావడంతో ఈ సినిమాపై అభిమానుల్లో ఆశలు రెట్టింపయ్యాయి.

జి.మనోహర్