చెన్నైలో నాగార్జున మల్టీస్టారర్ షూటింగ్

Posted: 03/10/2015 11:54 AM IST

Nagarjuna multistarrer movie shooting updates

అక్కినేని నాగార్జున, తమిళ స్టార్ హీరో కార్తీ ప్రధాన పాత్రలలో ఓ మల్టీస్టారర్ చిత్రం తెరకెక్కనున్న విషయం తెలిసిందే. ‘ఎవడు’ వంటి బ్లాక్ బస్టర్ హిట్ చిత్రం తర్వాత ప్రముఖ దర్శకుడు వంశీ పైడిపల్లి దర్శకత్వంలో తెరకెక్కుతున్న ఈ భారీ బడ్జెట్ చిత్రాన్ని ప్రముఖ భారీ చిత్రాల నిర్మాణ సంస్థ పివిపి బ్యానర్లో నిర్మాత ప్రసాద్.వి.పోట్లూరి నిర్మిస్తున్నాడు.

ఇటీవలే ఈ చిత్ర ముహూర్త కార్యక్రమాలు ఘనంగా జరిగాయి. ఈ కార్యక్రమానికి అక్కినేని కుటుంబ సభ్యులు మరియు చిత్ర యూనిట్ లతో పాటు హీరో కార్తీ కూడా పాల్గొన్నాడు. గోపి సుందర్ సంగీతం అందిస్తున్నాడు. తెలుగు, తమిళ భాషలలో ఏకకాలంలో రూపొందనుంది. కార్తీ సరసన శృతిహాసన్ హీరోయిన్ గా నటించనుంది.

ఈ నెల 14 నుంచి ఈ చిత్ర రెగ్యులర్ షూటింగ్ చెన్నయ్ లో జరుగనుంది. ఇందుకోసం చెన్నయ్ లోని ఈసీఆర్ రోడ్డు సమీపంలో ఓ ప్రత్యేకమైన సెట్ కూడా ఏర్పాటు చేసారు. మొదటి షెడ్యూల్ చెన్నయ్ లో జరిపి ఆ తర్వాత హైదరాబాద్, మరియు విదేశాలలో షూటింగ్ జరుపనున్నారు. ఈ చిత్రానికి సంబంధించిన మరిన్ని వివరాలు త్వరలోనే అధికారికంగా ప్రకటించనున్నారు.