మెగా, మంచువారింట వారసుల తొలి ‘హోలీ’ పండుగ..

Posted: 03/06/2015 11:49 AM IST

దేశవ్యాప్తంగా ప్రతిఒక్కరు హోలీ సంబరాలను ఎంతో ఘనంగా జరుపుకుంటున్నారు. చిన్నాపెద్దా, జాతి-మతం, కులం-భేదం అని తేడాలేకుండా అందరూ ఈ రంగుల పండుగలో తేలియాడుతున్నారు. ఇక సినీ ప్రముఖులు కూడా ఈ పండుగను తమ వారసులతో కలిసి మొదటిసారిగా ఈ పండుగను సంతోషంగా జరుపుకుంటున్నారు.

సర్రోగసీ విధానం ద్వారా ఓ బిడ్డను పొందిన మంచలక్ష్మీ.. తన కూతురు విద్యానిర్వాణతో కలిసి తొలి హోలీ పండుగను ఆనందంగా జరుపుకుంది. తన ముద్దుల కూతురితో కలిసి రంగుల్లో మునిగిన మంచులక్ష్మీ.. ఆ ఫోటోను మీడియాకు విడుదల చేసి తన అభిమానులకు సంతోషం కలిగించింది.

ఇక స్టైలిష్ స్టార్ అల్లు అర్జున్ కూడా తన తనయుడితో కలిసి తొలిసారిగా ఈ పండుగను జరుపుకున్నాడు. రంగుల మధ్యలో కూర్చుని నవ్వులు కురిపిస్తున్న తన కొడుకు అల్లు అయాన్ ఫోటోను అర్జున్ సోషల్ మీడియాలో పోస్ట్ చేశాడు.