‘ఎక్స్ ప్రెస్’ దర్శకుడికి బ్రేక్ ఇవ్వనున్న శర్వానంద్

Posted: 02/27/2015 01:14 PM IST

Sharwanand merlapaka gandhi uv creations movie updates

సందీప్ కిషన్, రకుల్ ప్రీత్ సింగ్ జంటగా నటించిన ‘వెంకటాద్రి ఎక్స్ ప్రెస్’ చిత్రం మంచి విజయం సాధించిన విషయం తెలిసిందే! ఈ చిత్రంతో దర్శకుడిగా పరిచయమైన మేర్లపాక గాంధీ.. ఆ సినిమా ఏ రేంజులో విజయం సాధించిందో అదే ‘ఎక్స్ ప్రెస్’తో ముందుకు దూసుకుపోతాడని అంతా భావించారు. కానీ.. ఆ చిత్రం తర్వాత అతడు ఏ చిత్రాన్ని తెరకెక్కించలేదు. ఈ నేపథ్యంలోనే ఇతనికి శర్వానంద్ బ్రేక్ ఇచ్చేందుకు గ్రీన్ సిగ్నల్ ఇచ్చినట్లు తెలిసింది. దీంతో గాంధీ చాలాకాలం తర్వాత మళ్లీ మెగాఫోన్ పట్టేందుకు సిద్ధమవుతున్నాడు.

ప్రస్తుతం వరుస విజయాలతో ఫుల్ జోష్ మీదున్న హీరో శర్వానంద్ తో దర్శకుడు మేర్లపాక గాంధీ ఓ చిత్రాన్ని తెరకెక్కించనున్నాడని సమాచారం! ఇప్పటికే ఈ చిత్రానికి సంబంధించి ప్రీ ప్రొడక్షన్ పనులు శరవేగంగా జరుగుతున్నాయి. ‘మిర్చి, రన్ రాజా రన్’ వంటి చిత్రాలను నిర్మించిన యూవీ క్రియేషన్ సంస్థ ఈ మూవీని నిర్మించనుంది. ప్రస్తుతం ఈ సంస్థ గోపీచంద్ తో ‘జిల్’ అనే సినిమాను నిర్మిస్తోంది. ఈ మూవీ చిత్రీకరణ పూర్తికాగానే.. శర్వానంద్ చిత్రం మొదలవుతుంది. త్వరలోనే ఈ మూవీకి సంబంధించి మరిన్ని వివరాలు వెలువడి కానున్నాయి.