‘త్రిష లేదా నయనతార’ అంటున్న సిమ్రన్..

Posted: 02/24/2015 03:43 PM IST

Simran trisha illana nayanatara movie updates

ఒకప్పుడు తెలుగు, తమిళ ఇండస్ట్రీలో హీరోయిన్ గా ఓ వెలుగు వెలిగిన నటి సిమ్రన్.. తన పెళ్లి తర్వాత ఇండస్ట్రీకి దూరమైపోయింది. అప్పుడప్పుడు సినిమాల్లో గెస్ట్ పాత్రల్లో కనిపించింది కానీ.. అవి ఆమెకు అంతగా గుర్తింపు తెచ్చిపెట్టలేదు. నాని హీరోగా తెరకెక్కిన ‘అహ కళ్యాణం’ చిత్రంలో చివరిసారిగా కనిపించిన ఆమె.. ఆ తర్వాత అడ్రస్ లేకుండా పోయింది. అయితే.. ఇప్పుడు తాజాగా ‘త్రిష లేదా నయనతార’ అంటూ ఆమె తెరమీదకొచ్చింది.

వివరాల్లోకి వెళ్తే.. తమిళంలో జీవి ప్రకాష్ కుమార్ హీరోగా ఆధిక్ రవిచంద్రన్ దర్శకత్వంలో ‘త్రిష ఇల్లానా నయనతార’ (త్రిష లేదా నయనతారా) పేరిట ఓ చిత్రం రూపొందుతోంది. ఈ చిత్రంలోనే ఓ ఇంపార్టెంట్ పాత్రలో నటి సిమ్రన్ నటించనుంది. ఈ విషయాన్ని స్వయంగా సిమ్రన్ ధ్రువీకరించింది కూడా! ముందుగా తనకు ఈ మూవీ టైటిల్ బాగా ఆకర్షించింది.. అనంతరం దర్శకుడు వినిపించిన కథ, తన పాత్ర బాగా నచ్చడంతో మూవీలో నటించేందుకు ఒప్పుకున్నట్లు తెలిపింది.

‘‘అసలు ముందుగా ఈ సినిమా టైటిల్ నన్ను బాగా ఆకర్షించింది. అందుకే ఈ మూవీ కథ విన్నాను. కథ వింటున్నప్పుడు నా క్యారెక్టర్ కూడా చాలా ఇంట్రెస్టింగ్ గా అనిపించింది. అలాగే కథ కూడా చాలా బాగుంది. దాంతో ఈ సినిమాలో నటించేందుకు ఒప్పుకున్నాను’’ అని స్పష్టం చేసింది సిమ్రన్! ఇదిలావుండగా.. ఇందులో సిమ్రన్ అల్ట్రామోడరన్ లుక్కులో కనిపించనుందని యూనిట్ వర్గాలు తెలుపుతున్నాయి. మొత్తానికి సిమ్రన్ భారీగా తన సెకండ్ ఇన్నింగ్స్ ప్రారంభించనుందన్నమాట!