థమన్, అనూప్ పాటలకు అఖిల్ మాస్ స్టెప్పులు

Posted: 02/16/2015 12:38 PM IST

ప్రస్తుతం వున్న టాలీవుడ్ టాప్ 2 సంగీత దర్శకులు అక్కినేని అఖిల్ మొదటి సినిమాకు పనిచేస్తున్నారు. అక్కినేని అఖిల్ హీరోగా ఓ సినిమా రూపొందనున్న విషయం తెలిసిందే. వి.వి.వినాయక్ దర్శకత్వంలో నితిన్ ఈ సినిమాను నిర్మిస్తున్నాడు.

ఇటీవలే అఖిల్ లాంచింగ్ కార్యక్రమం ఘనంగా జరిపారు. ఈ కార్యక్రమానికి అక్కినేని కుటుంబసభ్యులతో పాటు విక్టరీ వెంకటేష్ ప్రత్యేక అతిథిగా విచ్చేసారు. ఈ సంధర్భంగా అఖిల్ మాట్లాడుతూ... తన ఈ కొత్త చిత్రానికి ఇద్దరు సంగీత దర్శకులు మ్యూజిక్ అందిస్తున్నారని చెప్పుకొచ్చాడు. అనూప్ రూబెన్స్, థమన్ సంగీతం అందించనున్నారని చెప్పుకొచ్చాడు.

అలాగే అఖిల్ ఫస్ట్ లుక్ వీడియోను కూడా విడుదల చేసారు. పూర్తి కమర్షియల్ మాస్, మసాలా ఎంటర్ టైనర్ గా రూపొందబోతుంది. ఈ సినిమా షూటింగ్ నేటి నుంచి ప్రారంభమయ్యింది. దసరా కానుకగా ఈ సినిమాను విడుదల చేయనున్నారు.

Related Gallery: Akkineni Akhil Launch Photos