ఈసారి కృష్ణమయ్యతో మరో భక్తిరస చిత్రం

Posted: 02/04/2015 10:12 AM IST

ప్రముఖ దర్శకుడు కె.రాఘవేంద్రరావు ఇప్పటికే అన్నమయ్య, పాండు రంగడు, శ్రీమంజునాథ, శ్రీరామదాసు, షిరిడిసాయి వంటి పలు భక్తిరస చిత్రాలొచ్చాయి. ఈ సినిమాలన్నీ కూడా మంచి ప్రజాధారణ పొందాయి. అయితే తాజాగా మరో భక్తిరస చిత్రం తెరకెక్కించడానికి సిద్ధమవుతున్నాడు.

నాగార్జున ప్రధాన పాత్రలో కె.రాఘవేంద్రరావు ఓ భక్తిరస చిత్రం రూపొందించనున్నాడని వార్తలొస్తున్న విషయం తెలిసిందే. అయితే తాజాగా ఆ విషయాన్ని కె.రాఘవేంద్రరావు కన్ఫర్మ్ చేసారు. ఇటీవలే విశాఖపట్నంలో సింహాచలం దేవస్థానాన్ని దర్శించుకొని, ప్రత్యేక పూజలు నిర్వహించారు కె.రాఘవేంద్రరావు. అనంతరం మీడియాతో మాట్లాడుతూ... త్వరలో ‘అన్నమయ్య’ వంటి భక్తిరస చిత్రాన్ని తెరకెక్కిస్తానని, ఆ చిత్రం పేరు ‘కృష్ణమయ్య’ అని చెప్పుకొచ్చారు.

మరి నాగ్, కె.రాఘవేంద్రరావుల కాంబినేషన్ లో రూపొందనున్న సినిమా పేరు ‘కృష్ణమయ్య’ అవుతుందో లేక ఈ ‘కృష్ణమయ్య’ ప్రాజెక్టును మరో హీరోతో కె.రాఘవేంద్రరావు చేయనున్నాడో త్వరలోనే తెలియనున్నాయి. నాగార్జున ప్రస్తుతం ‘సొగ్గాడే చిన్నినాయన’ చిత్ర షూటింగ్ లో బిజీగా వున్నాడు. ఈ సినిమా తర్వాత వంశీ పైడిపల్లి దర్శకత్వంలో రూపొందనున్న మల్టీస్టారర్ చిత్రంలో నాగ్ నటించనున్నాడు. మరి రాఘవేంద్రరావు సినిమాలో ఎవరు నటిస్తారో, ఎప్పుడు మొదలుకానుందో త్వరలోనే తెలియనున్నాయి.