నాగ్-కార్తీ మూవీ స్టోరీ రివీల్.. ఫ్రెంచ్ కథను కాపీ కొట్టేశారు!

Posted: 01/19/2015 06:21 PM IST

Nagarjuna karthi multistarrer movie remake fresh cinema the intouchables

వంశీ పైడిపల్లి దర్శకత్వంలో నాగార్జున - కార్తీ హీరోలుగా మల్టీస్టారర్ మూవీ తెరకెక్కుతున్న విషయం తెలిసిందే! పీవీపీ బ్యానర్’పై పొట్లూరి ప్రసాద్ నిర్మిస్తున్న ఈ చిత్రంలో శృతిహాసన్ హీరోయిన్’గా నటిస్తోంది. తెలుగు, తమిళ భాషల్లో రానున్న ఈ చిత్రానికి ముందు కథ విషయంలో కాస్త గందరగోళ పరిస్థితులు ఏర్పడ్డాయి. అయితే చివరికి ఫ్రెంచ్ కథ ఆధారంగా ఈ చిత్రాన్ని తీయబోతున్నట్లు తెలుస్తోంది.

2011లో వచ్చిన ఫ్రెంచ్ సూపర్ హిట్ సినిమా ‘ది ఇన్’టచబుల్స్’ ఆధారంగా ఈ మల్టీస్టారర్ చిత్రం రూపొందుతోంది. ఈ మూవీ స్టోరీ ఏంటంటే.. పోలీసుల బారినుంచి తప్పించుకోవడం కోసం తనకు పక్షవాతం వచ్చినట్లుగా ఒక వ్యక్తి నటిస్తే.. అతనికి ఆసుపత్రిలో సేవలు చేసే ఓ మేల్ నర్సుకి మధ్య స్నేహబంధంతో ఆ మూవీ సాగుతుంది. అదే స్టోరీ గనుక ఈ తెలుగు మూవీకీ స్ఫూర్తి అయితే.. ఇందులో నాగార్జున పేషెంట్’గాను, మేల్ నర్సుగా కార్తీ నటించే అవకాశాలు వున్నాయి.

ఈ కథను చూస్తుంటే ప్రస్తుతం వస్తున్న సినిమాల కథలకు కాస్త భిన్నంగానే వుంది. అయితే దానిని దర్శకుడు వంశీ పైడిపల్లి తెలుగు ప్రేక్షకులకు నచ్చేవిధంగా ఎలా తెరకెక్కిస్తాడో వేచి చూడాల్సిందే! మరి.. ఈ కథను తెలుగు ఆడియెన్స్ ఏమేర ప్రోత్సహిస్తారో మూవీ రిలీజ్ అయ్యేంతవరకు తెలియదు. అయితే.. ఈ విషయం యూనిట్ వర్గాల నుంచి ఇంకా అధికారికంగా వెలువడి కాలేదు.