ఎవడీ సుబ్రమణ్యం.. పెంట్ హౌస్ నుంచి టెంట్ కొచ్చాడు!

Posted: 01/15/2015 06:36 PM IST

Hero nani yevade subramanyam movie trailer release sankranti festival

దర్శకధీరుడు రాజమౌళి తెరకెక్కించిన ‘ఈగ’ చిత్రం ద్వారా ఒక్కసారిగా స్టార్’డమ్ సంపాదించిన హీరో నాని.. ఆ తర్వాత నటించిన సినిమాలన్నీ బాక్సాఫీస్ దగ్గర పటాపంచలైపోయాయి. దీంతో ఈ హీరో ఇమేజ్ ఒక్కసారిగా దిగజారిపోయింది. ‘ఈగ’ తర్వాత స్టార్ హీరోగా ఓ వెలుగు వెలిగిపోతాడనుకుంటే.. అనుకోకుండా కూలిపోయాడు. దాంతో ఈ హీరో కొన్నాళ్లవరకు ఇండస్ట్రీ నుంచి గ్యాప్ పాటించాడు. అంతేకాదు.. తాను నటించబోయే మూవీ కథ విషయంలోనూ ఎన్నో జాగ్రత్తలు పాటించాడు. ఏదైనా కొత్త తరహా కథతో తిరిగి తెరమీదకొద్దామని ఫిక్స్ అయిన ఈ హీరో.. తాజాగా ‘ఎవడే సుబ్రమణ్యం’ అనే ఇంట్రెస్టింగ్ టైటిల్’తో ప్రేక్షకుల ముందుకొచ్చాడు.

ఇటీవల ఈ మూవీకి సంబంధించి ఫస్ట్’లుక్ పోస్టర్లు విడుదలయ్యాయి. అందులో నాని ఒకవైపు కూర్చుని వుంటే, మరోవైపు సాధువులు వున్నారు. ఇక బ్యాక్’డ్రాప్’లో అందమైన హిమాలయాలతోబాటు ఓ గుడిని చూపించడంతో ఆ పోస్టర్లకు అనూహ్య స్పందన లభించింది. ఈసారి నాని ఓ కొత్త ప్రయోగం చేయబోతున్నాడని అందరూ అనుకున్నారు. ఇప్పుడు తాజాగా ఈ మూవీ ట్రైలర్ రిలీజ్ అయ్యింది. ఏ విధంగా అయితే నాని తన ఫస్ట్’లుక్ పోస్టర్లతో ప్రేక్షకులను ఆకట్టుకున్నాడో.. ఈ ట్రైలర్’లోనూ అదేవిధంగా ఓ ఇంట్రెస్టింగ్ పాయింట్’తో ముందుకొచ్చాడు.

నాని వాయిస్’తో మొదలయ్యే ఈ ట్రైలర్ విశ్లేషణ ఏమిటంటే.. సాఫ్ట్’వేర్ జీవనం కొనసాగిస్తున్న 25ఏళ్ల నాని.. త్వరలోనే ఓ మిలియన్ డాలర్ కంపెనీకి హెడ్’గా పదవి దక్కించుకోనున్నాడు. దాంతో తన జీవితం మరెంతో హాయిగా తన గర్ల్’ఫ్రెండ్’తో కొనసాగించవచ్చునని భావిస్తుండగానే.. అతని జీవితంలో ఓ ఫ్రెండ్ ఎంటర్ అవుతాడు. అతడితోపాటు ఓ అమ్మాయి కూడా ఎంట్రీ ఇస్తుంది. ఇక అక్కడి నుంచి అసలు కథ మొదలవుతుంది. బెస్ట్ ఫ్రెండ్స్ అయిన వారిద్దరి కోసం ఏమైనా చేయడానికి సిద్ధపడే నాని.. అనుకోకుండా హిమాలయాల్లో తేలుతారు. అసలు వాళ్లు అక్కడికి ఎందుకు వెళ్లాల్సి వచ్చింది..? ఈ మూవీకి, టైటిల్’కి లింకేంటి..? అన్న ఇంట్రెస్టింగ్ టాపిక్’తో కథ సాగుతుందన్నమాట!

ఇంత ఇంట్రెస్టింగ్ కథతో ప్రేక్షకుల ముందుకు రానున్న హీరో నానికి.. ఈసారైనా ఫేట్ మారుతుందేమో వేచి చూడాల్సిందే! ఈ చిత్రంలో హీరో నానితోబాటు రితు వర్మ, మాలవిక నాయర్, దేవరకొండ నాయర్ లీడ్ పాత్రల్లో కనిపించబోతున్నారు. ఈ చిత్రాన్ని ఫేమస్ ప్రొడ్యూసర్ అశ్విని దత్ కుమార్తె ప్రియాంకా దత్ నిర్మిస్తుండగా.. నాగ్ అశ్విన్ దర్శకత్వం వహించబోతున్నారు. శరవేగంగా షూటింగ్ జరుపుకుంటున్న ఈ చిత్రాన్ని త్వరలోనే విడుదల చేసేందుకు దర్శకనిర్మాతలు సన్నాహాలు చేస్తున్నారు. మరి.. ఈ మూవీని ప్రేక్షకులు ఎలా ఆదరిస్తారో రిలీజ్ వరకు వేచి చూడాల్సిందే!