టీజర్ టాక్: స్టెప్పులతో అదరగొట్టిన ‘సుబ్రమణ్యం’!

Posted: 01/15/2015 03:31 PM IST

Sai dharam tej subramanyam for sale movie teaser release

ఇండస్ట్రీలోకి ఎంట్రీ ఇచ్చిన తన మొదటి మూవీ ‘పిల్ల నువ్వులేని జీవితం’తో మంచి సక్సెస్ అందుకున్న మెగాహీరో సాయిధరమ్ తేజ్.. ఆ మూవీ విజయం సాధించిందో లేదో అప్పుడే రెండో సినిమా షూటింగ్’లో బిజీ అయిపోయాడు. ప్రస్తుతం ఈ మెగాహీరో ‘సుబ్రమణ్యం ఫర్ సేల్’ అనే మూవీ షూటింగ్’లో ఫుల్ బిజీగా వున్నాడు. ఇటీవలే ఆ చిత్రానికి సంబంధించి విడుదలైన ఫస్ట్ లుక్ పోస్టర్లకు ప్రేక్షకుల నుంచి మంచి స్పందనే లభించింది. తాజాగా సంక్రాంతి పండుగ సందర్భంగా శుభాకాంక్షలు తెలుపుతూ ఆ మూవీ టీజర్ రిలీజ్ అయ్యింది.

ఈ టీజర్’లో సాయి మాస్ ఆడియెన్స్’కు తగ్గట్టు అదిరిపోయే మాస్ స్టెప్పులతో కనువిందు చేశాడు. ఈ చిత్రంలో హీరో సరసన రెజీనా హీరోయిన్’గా మరోసారి నటిస్తోంది. వీరిద్దరి కలిసి నటించిన ‘పిల్లా నువ్వులేని జీవితం’ భారీ హిట్ కావడంతో నిర్మాత దిల్’రాజు మళ్లీ వీరితోనే ఈ తాజా మూవీని నిర్మిస్తున్నాడు. ఈ చిత్రానికి మిక్కీ జే.మేయర్ స్వరాలు అందిస్తుండగా.. ‘గబ్బర్ సింగ్’లాంటి భారీ చిత్రాన్ని అందించిన హరీశ్ శంకర్ దర్శకత్వం వహిస్తున్నాడు. ఇదిలావుండగా.. దర్శకనిర్మాతలు ఈ మూవీ షూటింగ్ షెడ్యూల్’ని జనవరి చివరివారం నుంచి యూఎస్ ప్లాన్ చేసినట్లు సమాచారం!