ఫాం హౌజ్ లో పని చేసుకుంటున్న పవన్ (ఫోటోలు)

Posted: 01/14/2015 12:12 PM IST

అభిమానులకు పవర్ స్టార్ అయినా.., ఫాం హౌజ్ కు మాత్రం ఆయన తోటమాలే. స్టార్ ఇమేజ్ తో పనులు చేయించుకోవటం కంటే సొంతంగా కష్టపడటంలోనే పవన్ సుఖం వెతుక్కుంటున్నాడు. హైదరాబాద్ శివార్లలో పవన్ కు ఫాం హౌజ్ ఉందన్న విషయం తెలిసిందే. ఖాళీగా ఉన్న సమయాల్లో కాలక్షేపం కోసం, మనసు బాగోలేకున్నా ఆలోచనల నుంచి బయట పడేందుకు పవన్ ఇక్కడకు వస్తుంటాడు.

ఫాం హౌజ్ చూసుకునేందుకు పని మనిషి ఉన్నప్పటికీ.., తాను ఉన్న సమయంలో స్వయంగా పని చేసుకోవటానికో లేక పని మనిషికి సాయం చేయటానికి ఇష్టపడుతాడు. యజమాని అనే భావం లేకుండా పని మనిషితో కలసి శుభ్రం చేయటంతో పాటు..,  ప్రేమగా పెంచుకుంటున్న చెట్లను చూసుకుంటాడు. అలా తన చెట్లను చూసుకుంటూ, పవన్ కష్టపడుతుండగా తీసిన ఫొటోలు ఇంటర్నెట్ లో ప్రత్యక్షం అయ్యాయి. అవి మీ కోసం అందిస్తున్నాం.