ఇప్పటివరకు సరైన మగాడే తగల్లేదు

Posted: 01/05/2015 11:10 AM IST

సినిమా హీరోయిన్ అంటే చాలు మూవీల కంటే ఎఫైర్లు, డేటింగ్ బాయ్ ఫ్రెండ్ గాసిప్ ల గురించే ఎక్కువగా మాట్లాడుతారు. ఇందుకు పెద్ద, చిన్న.. సీనియర్, జూనియర్ అనే తేడా లేదు. హీరోయిన్ అయితే చాలు యవ్వారం అంటగట్టేసి అనుమానాలు పెంచుతారు అని కాజల్ భామ మండిపడుతోంది. ఎందుకంటే ఇన్నాళ్లు ఇతర అందాల భామలకు పరిమితమైన ఈ పుకార్లు ఇఫ్పుడు అమ్మడిని టార్గెట్ చేశాయి. కాజల్ కు బాయ్ ఫ్రెండ్ ఉన్నాడట అని సోషల్ మీడియాలో పుకార్లు ట్రెండ్ అవుతున్నాయి. ఎవరు.. ఎలా ఉంటాడు అని ప్రశ్నల మీద ప్రశ్నలు వేసుకుంటున్నారు, ఊహాజనిత సమాధానాలు ఇస్తున్నారు.

ఈ కామెంట్లు, పుకార్ల గురించి తెలుసుకున్న కాజల్ భామ కస్సుమంది. మీకెవరు చెప్పారు నేను ప్రేమలో పడ్డానని అని ప్రశ్నిస్తోంది. ‘సినిమాలు చేస్తూ బిజీగా ఉన్న నాకు, ఫ్యామిలీ.. ఫ్రెండ్స్ తో గడిపే సమయమే లేదు. ఇంక ప్రేమించి, ప్రేమకోసం సమయం కేటాయించే తీరిక ఎక్కడుంటుంది’ అని ప్రశ్నిస్తోంది. మొత్తం సినిమాలతోనే గత సంవత్సరం గడిచిపోయింది, ఈ ఏడాది కూడా ఫుల్ లెన్త్ షెడ్యూల్ ఉంది. కాబట్టి ప్రేమించటానికి సమయం ఎక్కడుంది అని ప్రశ్నిస్తోంది. ఎందుకండి ఇలాంటి పుకార్లు పుట్టించి ఇబ్బంది పెట్టడం అంటూ నీతి వాక్యాలు చెప్తోంది.

ఎప్పుడు పెళ్లి చేసుకుంటారు, ఎవరిని చేసుకుంటారు అని అడిగితే.. ఇప్పటివరకయితే నాకు సరైన మగాడు కన్పించలేదు అని సమాధానం ఇచ్చింది. జీవితాంతం ఒంటరిగానే ఉండలేము కదా సమయం వచ్చినప్పుడు పెళ్ళి గురించి మాట్లాడుదాం అని వివరణ ఇచ్చింది. ప్రేమించలేదు సరే, ఎలాంటి వ్యక్తిని కోరుకుంటారు అని అడిగితే.., సైలెంట్ గా పక్కకు తప్పుకుందీ 29ఏళ్ళ చిన్నది. చూడాలి మరి మూడు పదుల వయస్సులో మూడు ముళ్ళు పడుతాయా లేక.., ముదిరిన వయసుతో పెళ్లి పీటలపై కూర్చుంటుందా.?

కార్తిక్