పైసల్లేకనే పంచుకుంటున్నారట

Posted: 12/06/2014 08:00 PM IST

కోట్లు ఖర్చుపెట్టి భారీ బడ్జెట్ సినిమాలు తీసే నిర్మాతల ఇబ్బందులు చెప్పతరం కాదు. సినిమా హిట్ అవుతుందా.., ఫ్లాప్ అవుతుందా అనేది డిసైడ్ కాకుండానే అప్పలు తెచ్చి కోట్లు కుమ్మరిస్తారు. పైకి గొప్పగా చెప్పుకుంటున్నా లోపాల ఉండే అసలు విషయాలు బయటకు చెప్పరు. పెద్ద నిర్మాతగా ఎదిగిన బండ్ల గణేష్ తాజా సినిమా ‘టెంపర్’ మూవీ సంక్రాంతి విడుదలకు సిద్దమవుతోంది. షూటింగ్ చివరిదశలో ఉన్న ఈ సినిమా.., డిస్ర్టిబ్యూషన్ ప్రక్రియ కొద్దికాలంగా కొనసాగుతోంది. పెద్ద సినిమాలతో పాటు ఈ ఏడాది చివర్లో వరుసగా సినిమాలు వస్తుండటంతో ఏంచేయాలో తెలియక డిస్ర్టిబ్యూటర్లు డైలమాలో పడ్డారు.

అటు ఈ మూవీ గురించి మరో విషయం విన్పిస్తోంది. సినిమా చేసినందుకు డబ్బులు ఇవ్వకుండా వాటాలు ఇస్తున్నారని అనుకుంటున్నారు. హీరోగా నటించిన ఎన్టీఆర్ నైజాం హక్కులు తీసుకోగా.., డైరెక్టర్ పూరీ జగన్నాథ్ సీడెడ్ హక్కులు తీసకున్నాడట. ఇక కథ అందించిన వక్కంతం వంశీ నెల్లూరు జిల్లా హక్కులు తీసుకున్నట్లు తెలుస్తోంది. నిర్మాతకు ఉన్న ఆర్ధిక ఇబ్బందుల వల్లే.., డబ్బులు చెల్లించలేక ఇలా వాటాలు కేటాయించినట్లు గుసగుసలు విన్పిస్తున్నాయి. ఇవిపోగా మిగిలిన వాటాలను నిర్మాత మార్కెట్ చేసుకోనున్నారు.

పెద్ద సినిమాలు తీసి ఆశించిన స్థాయిలో డబ్బులు రాకపోవటంతో బండ్లకు ఈ కష్టాలు వచ్చినట్లు సన్నిహితులు చెప్తున్నారు. ఎన్టీఆర్ పవర్ ఫుల్ పోలిస్ ఆఫీసర్ గా కన్పిస్తున్న ఈ సినిమాలో హీరోయిన్ గా కాజల్ అగర్వాల్ నటిస్తోంది. సంక్రాంతి పండగను టార్గెట్ చేసుకుని సినిమా షూటింగ్ ను ఆన్ టైం లో పూర్తి చేసేందుకు ప్లాన్ చేస్తున్నారు. వంశీ కథతో పాటు, ఎన్టీఆర్ యాక్టింగ్ పై భారీ అంచనాలు పెట్టుకున్నారు. ఆర్ధిక ఇబ్బందుల్లోనూ సినిమా తీసిన నిర్మాత బండ్ల గణేష్ ను అభినందించాలి. ఈ పండగ ఆయన కష్టాలను తీర్చాలని కోరుకుందాం.