అవును: ట్రైలర్ చూస్తే భయమేస్తోంది బాబోయ్

Posted: 11/07/2014 04:28 PM IST

సినిమా ట్రైలర్ చూస్తే అదిరిపోయింది, హిట్, కేక అని కామెంట్లు ఎప్పుడూ వింటుంటాము. కానీ ఈ సారి కొత్తగా ట్రైలర్ చూస్తే భయమేస్తోంది అంటున్నాము. నిజానికి ఈ మూవీ ట్రైలర్ చూడటానికి అలాగే ఉంది. రవిబాబు తెరకెక్కిస్తున్న ‘అవును2’ ట్రైలర్ శుక్రవారం విడుదల అయింది. సురేష్ ప్రొడక్షన్స్, ఫ్లయింగ్ ఫ్రాగ్స్ ప్రొడక్షన్ సంస్థల బ్యానర్ లో సినమా వస్తోంది. రవిబాబు సొంతంగా కధ రాసుకుని ఈ మూవీని డైరెక్ట్ చేస్తున్నాడు. శేఖర్ చంద్ర ఈ సినిమాకు సంగీతం అందిస్తుండగా అన్నట్లు ‘అవును2’కు నిర్మాత కూడా రవిబాబు.

ఇక ట్రైలర్ గురించి చెప్పాలంటే... డెబ్బయి సెకన్లకు పైగా ఉన్న ఈ ట్రైలర్ సినిమా ఎలా ఉంటుందో చూపించింది. 73సెకన్ల పాటు ఉండే వీడియోలో తెల్ల చీర కట్టుకున్న నటి.., ఇంట్లో తన పని చేసుకుంటుంది. మనం ఆమెను చూస్తూ లీనమైపోగా.., సడన్ గా ఓ వింతరూపం అలా కన్పించి ఇలా వెళ్ళిపోతుంది. దీంతో అప్పటివరకు మామూలుగా ఎంజాయ్ చేస్తున్న వారు ఒక్కసారిగా షాక్, హడలిపోవటం ఖాయం. కావాలంటే మీరూ వీడియో చూడండి.

కార్తిక్