చెర్రికి సవాల్ విసిరిన సిద్ధార్ధ్

Posted: 09/27/2014 05:19 PM IST

Chikkadu dorakadu movie to release on october 2nd

లవర్ బాయ్ సిద్ధు మెగా పవర్ స్టార్ కు సవాల్ విసురుతున్నాడు. ప్రేక్షకుల ముందే ఎవరేంటో తేల్చుకుందాం అని అంటన్నాడు. ఇక విషయం ఏమిటంటే.., సిద్ధు నటించిన ‘చిక్కడు దొరకడు’ సినిమా అక్టోబర్ 2న విడుదల అవుతోంది. తమిళనాడులో వచ్చిన ‘జింగర్తాండా’ సినిమాకు ను తెలుగులో డబ్ చేసి ‘చిక్కడు దొరకడు’ గా తీశారు. తమిళ సినిమాలో కూడా సిద్ధుయే నటించాడు. అక్కడ మంచి టాక్ రావటంతో పాటు కలెక్షన్లను కూడా బాగానే వసూలు చేసింది. దీంతో తెలుగులో కూడా మంచి టాక్ వస్తుందని అంతా నమ్ముతున్నారు.

వాస్తవానికి తమిళంలో విడుదల అయిన సమయంలోనే తెలుగులో ఈ సినిమా విడుదల కావాల్సి ఉంది. అయితే తెలుగు హక్కులు తీసుకున్న నిర్మాతకు పలు ఇబ్బందులు రావటంతో విడుదల వాయిదా పడింది. ఈ మద్యే ఆయనకున్న బాధలు కాస్త తగ్గటంతో విడుదలకు రంగం సిద్ధం చేశారు. అక్టోబర్ 2న ప్రేక్షకుల ముందుకు ‘చిక్కడు దొరకడు’ రానుంది. ఈ సినిమాలో లక్ష్మీ మీనన్ హీరోయిన్ గా నటించింది. పిజ్జా ఫేం కార్తిక్ సుబ్బురాజు ‘చిక్కడు దొరకడు’ ను డైరెక్ట్ చేశారు.

ఇక మరో విషయానికి వస్తే రామ్ చరణ్ నటించిన ‘గోవిందుడు అందరివాడేలే’ సినిమా సరిగ్గా ‘చిక్కడు దొరకడు’ విడుదలకు ఒక రోజు ముందుగా అంటే అక్టోబర్ 1న విడుదల అవుతోంది. దీనికోసం ఇప్పటికే చాలా థియేటర్లు బుక్ చేసి పెట్టుకున్నాయి. చెర్రి సినిమాపై భారీ అంచనాలు ఉన్నాయి. క్రియేటివ్ ఖచ్చితంగా ఏదో మ్యాజిక్ చూపిస్తాడు అని మెగా ఫ్యాన్స్ అంటున్నారు. మరి అలాంటి సమయంలో ‘చిక్కడు దొరకడు’ విడుదల కావటం ఓ సాహసమే అని చెప్పాలి. అయితే దసరా కలెక్షన్లలో వాటా కోసం వీరు కూడా బరిలోకి దిగుతున్నారు. చూద్దాం మరి ఎవరి సినిమా ఏ మేరకు ప్రేక్షకులను మెప్పిస్తుందో. ఆల్ ది బెస్ట్ టు చెర్రి అండ్ సిద్ధు. ఈ సినిమాలో

కార్తిక్