అవన్నేం కుదరదు... ఐదు కావాల్సిందేనట ?

Posted: 08/02/2014 01:25 PM IST

బాలీవుడ్ సినీరంగంలోకి ఒక నటిగా తన తండ్రి పేరు నిలబెట్టడానికే ప్రయత్నిస్తానని, డబ్బు, పేరు ప్రఖ్యాతలు అవసరం లేదని అప్పట్లో పెద్ద పెద్ద డైలాగులు చెప్పింది బాలీవుడ్ స్లిమ్ బ్యూటీ సోనమ్ కపూర్. కానీ ప్రస్తుతం మాత్రం ఈ అమ్మడు చెప్పిన తన మాటలకు విరుద్ధంగా ప్రవర్తిస్తుంది. సినిమాల్లో హీరోయిన్లందరూ కూడా కాస్త గ్లామర్ గా కనిపించడం సాధారణమే. అయితే సోనమ్ మాత్రం ఐటెం భామలతో పోటీకి దిగే రేంజుకు దిగజారిపోయింది.

ఇటీవలే ఈ అమ్మడు ఓ హాట్ ఫోటోషూట్ లో పాల్గొని, ఆ ఫోటోలను నెట్ లో విడుదల చేసిన విషయం తెలిసిందే. ఇందులో సోనమ్ పోర్న్ స్టార్ లను మించిన రేంజులో రెచ్చిపోయింది. ఈ ఫోటోలు చూసినవారందరూ కూడా సోనమ్ పై విమర్శలు చేయడం మొదలుపెట్టారు. అయితే అదంతా ఆమె వ్యక్తిగత విషయమనుకుంటే... తాజాగా సోనమ్ మళ్లీ బాలీవుడ్ లో హాట్ టాపిక్ గా మారింది.

అయితే తాజాగా ఈ అమ్మడు బాలీవుడ్ దర్శక,నిర్మాతలకు మరో షాకిచ్చింది. ప్రస్తుతం సూరజ్ బర్జాత్యా దర్శకత్వంలో సల్మాన్ ఖాన్ హీరోగా నటించనున్న ‘ప్రేమ్ రతన్ ధన్ పాయో’ చిత్రంలో సోనమ్ హీరోయిన్ గా నటిస్తుంది. అయితే ఈ మధ్య ఈ అమ్మడు నటిస్తున్న అన్ని చిత్రాలు విజయం సాధిస్తుండటం... పైగా ప్రస్తుతం సల్మాన్ తో చేసే అవకాశం రావడంతో టాప్ హీరోయిన్ గా ఫీలైపోతుంది.

దీంతో ఈ అమ్మడు తన రెమ్యునరేషన్ ను 5 కోట్లకు పెంచేసిందని తెలిసింది. తన దగ్గరకు వచ్చే దర్శకనిర్మాతలకు 5కోట్లు ఇస్తేనే చేస్తానంటూ నేరుగా చెప్పేస్తోందట. దీంతో ఈ అమ్మడు తనలో ఏం చూసుకొని.... తన రేటు పెంచేసుకుందో అర్థం కావట్లేదంటూ బాలీవుడ్ వర్గాలు గుసగుసలు పెడుతున్నారు. ఒకవేళ తన రేటు నచ్చక ఈ అమ్మడిని ఎవరూ సంప్రదించకపోతే... కొంచెం రేటు తగ్గిస్తుందో లేదో చూడాలి మరి.