రాంగోపాల్ వర్మ ఎప్పుడు, ఏం చేసినా కొంచెం వెరైటీగా వుంటుందని తనకుతానే డప్పు వాయిచుకోవడం ఆయనకు అలవాటు! తాను చెప్పిందే వేదమంటూ ప్రముఖుల మీద తనకిష్టమొచ్చినట్లు కామెంట్లు చేసి సంచలనాలను సృష్టిస్తుంటాడు. ఎవరు అడ్డొచ్చినా, ఏం చెప్పినాగానీ వారి గురించి, వారు చెప్పిన మాటల గురించి పట్టించుకోకుండా ‘‘నా దారి రహదారి’’ అంటూ వివాదాస్పదాలను క్రియేట్ చేస్తుంటాడు వర్మ. ఇతను వ్యంగ్యంగా కామెంట్లు చేయని ఏ ప్రముఖులు మిగలలేదు. ఇటు చిత్రపరిశ్రమతోపాటు రాజకీయ నాయకులను కూడా తనదైన స్టైల్లో వ్యంగ్యంగా వ్యాఖ్యానాలు చేస్తుంటాడు.
ఈ నేపథ్యంలో గతంలో రాంగోపాల్ వర్మ పవన్ ని పార్టీపెట్టాలంటూ ఆయన్ను రెచ్చగొట్టే వ్యాఖ్యలు చేశాడు. చాలావరకు పవన్ పార్టీ పెట్టడంలో వర్మ కూడా కొంతమేరకు కీలకపాత్రను పోషించాడనే చెప్పుకోవాలి. అలాగే తెలంగాణ ముఖ్యమంత్రి కేసీఆర్ పై వివాదాస్పదమైన వ్యాఖ్యలు చేసి, తెలంగాణ ప్రజల ఆగ్రహానికి గురయ్యారు. ‘‘ఆయన ఎంతో అందంగా వుంటాడని, ఆయన అందానికి ఆయనే సాటి’’ అంటూ వర్మ చేసిన కామెంట్లు అప్పట్లో పెద్ద దుమారాన్నే రేపాయి.
కానీ ఈసారి మాత్రం అందుకు పూర్తి భిన్నంగా కేసీఆర్ ను పొగుడుతూ కామెంట్లు చేశాడు. అంతటితో ఊరుకోలేదు... కేసీఆర్ ను పొగుడుతూనే ఆంధ్రాముఖ్యమంత్రి చంద్రబాబును కించపరిచేవిధంగా ట్విటర్ లో తన భావాలను వ్యక్తపరిచాడు. కేసీఆర్ లాంటి మంచి సీఎం మన యావత్తు భారతదేశంలో లేడని, ఆయన లాంటి మహామనిషి ఇంతవరకు పుట్టలేదంటూ ట్వీట్ చేసిన వర్మ... చంద్రబాబు, కేసీఆర్ నుంచి గుణపాఠాలను నేర్చుకోవాలంటూ తీవ్ర విమర్శలను గుప్పించాడు.
‘‘మహాత్మాగాంధీ, బాల్ థాక్రే వంటి మహామనుషుల కంటే తెలంగాణ సీఎం కేసీఆర్ పనితీరు ఎంతో అద్భుతంగా వుంది. కేసీఆర్ ను చూసి ఆంధ్రా సీఎం చంద్రబాబు నాయుడు చాలా నేర్చుకోవాల్సి వుంది. ఈ విషయం ఎవరు ఏమనుకున్నా నాకు ఫర్వాలేదు. ఎందుకంటే నేను తెలంగాణాలో పుట్టాను... ఇక్కడే పెరిగాను... నా హృదయం తెలంగాణాతోనే వుంది’’ అంటూ రాంగోపాల్ వర్మ తాజాగా ట్వీట్ చేశాడు. మరి రానురాను ఈ ట్వీట్ ఎన్ని వివాదాలను రేకెత్తిస్తుందో..!?
అయితే ఇటీవలే సీఎం కేసీఆర్ పాకిస్తాన్ కోడలు, భారత టెన్నిస్ ప్లేయర్ అయిన సానియా మీర్జాను తెలంగాణ రాష్ట్రానికి బ్రాండ్ అంబాసిడర్ గా నియమించారు. దాంతోపాటు ఆమెకు కోటీరూపాయలు కూడా సమర్పించాడు. దీంతో వర్మ కూడా సానియామీర్జాలా క్రెడిట్ పొందాలనే ఆశతోనే వర్మ ఈ విధంగా కేసీఆర్ ను పొగుడుతున్నాడని, తనను తాను పదేపదే తెలంగాణ బిడ్డ అంటూ చెప్పుకుంటున్నాడని విమర్శకులు చెబుతున్నారు.
AS
(And get your daily news straight to your inbox)
Oct 08 | పాన్ ఇండియా స్టార్ ప్రభాస్ బాహుబలి సిరీస్ చిత్రాల తరువాత అలాంటి హిట్ ఇప్పటివరకు అందుకోకపోవడం ఆయన అభిమానుల్లో కలవరాన్ని రాజేస్తోంది. సాహో కలెక్షన్ల పరంగా ఫర్వాలేదని అనిపించినా.. ఆ తరువాత వచ్చిన రాధేశ్యామ్... Read more
Oct 08 | టాలీవుడ్ స్టార్ కమెడియన్ వెన్నెల కిశోర్ తెలుగు సినీపరిశ్రమలో తన జోరు చూపుతున్నాడు. తెలుగు చిత్రపరిశ్రమకు పరిచయమైన సీనియర్ కమేడియన్ అయినా.. ఇప్పటికీ యంగ్ లుక్ తో మంచి టైమింగ్, హావభావాల ప్రకటనలతో రాణిస్తున్నాడు.... Read more
Oct 08 | మెగాస్టార్ చిరంజీవి ప్రధానపాత్రలో తెరకెక్కిన 'గాడ్ ఫాదర్' చిత్రం ఈ నెల 5న విడుదలై విజయవంతంగా ప్రదర్శితమవుతోంది. ఈ సినిమాలో బాలీవుడ్ సూపర్ స్టార్ సల్మాన్ ఖాన్ 'మసూద్ భాయ్' అనే పవర్ ఫుల్... Read more
Oct 08 | ప్రముఖ దర్శకుడు మణిరత్నం మానసపుత్రిక అయిన పోన్నియన్ సెల్వన్ ప్రాజెక్టును ఎట్టకేలకు ఆయన తెరకెక్కించిన విషయం తెలిసిందే. అయితే రెండు భాగాలుగా ఈ చిత్రం రూపొందుతున్న విషయం తెలిసిందే. అయితే ఈ చిత్రం తొలిభాగం... Read more
Oct 08 | తమిళంలో హిట్ అయిన చిత్రాలు రీమేక్ గా తెలుగులో తెరకెక్కి హిట్ సాధించడం సాధరణంగా మారిపోయింది. ఈ క్రమంలో మొదటి నుంచి విభిన్నమైన కథలను .. విలక్షణమైన పాత్రలను ఎంచుకుంటూ.. నటిస్తున్న యంగ్ హీరో... Read more