రణబీర్, దీపిక ఊగిపోతున్న వీడియో లీకైంది!!

Posted: 07/24/2014 03:00 PM IST

Ranbir kapoor and deepika padukone nagin dance video leaked

బాలీవుడ్ మాజీ ప్రేమజంట అయిన దీపికా పదుకొనె, రణబీర్ కపూర్ లకు సంబంధించి ఒక వీడియో నెట్ లో హల్ చల్ చేస్తోంది. అందరూ ఆ వీడియోను చూసి తెగ ఆనందపడుతున్నారు. గతంలో చట్టాపట్టాలేసుకుని పీకల్లోతుదాకా ప్రేమలో మునిగిపోయిన ఈ జంట... కొన్ని పర్సనల్ కారణాల వల్ల విడిపోయారు. అయితే వీరిద్దరూ కలిసి ఎంజాయ్ చేస్తున్న ఒక వీడియో తాజాగా విడుదల కావడం సంలచనంగా మారిపోయింది. ఇద్దరూ అడ్డంగా బుక్కయ్యారని ప్రతిఒక్కరు ఈ వీడియో మీద తమ అభిప్రాయాలను వెళ్లగక్కుతున్నారు.

అసలు విషయం ఏమిటంటే... ‘‘ఏ జవానీ హై దివానీ’’ చిత్రం తరువాత ఈ జంట తిరిగి ఏ సినిమాలోనూ నటించలేదు. ఎక్కడా కలుసుకోలేదు కూడా! ఈ నేపథ్యంలోనే వీరిద్దరూ తిరిగి కలుస్తున్నారని, బాలీవుడ్ దర్శకుడు ఇంతియాజ్ దర్శకత్వంలో తెరకెక్కనున్న ‘‘తమాషా’’ సినిమాలో వీరు కనువిందు చేయనున్నారని వార్తలు వచ్చాయి. ఇప్పుడు ఈ వార్తలను నిజం చేస్తూ.. ఈ మాజీ ప్రేమజంట తమ లేటెస్ట్ చిత్రం ‘‘తమాషా’’కు సంబంధించి ఒక పాటలో డ్యాన్స్ చేస్తున్న వీడియో లీక్ అయ్యింది.

అందులో మొదట రణబీర్ నాగిన్ డ్యాన్స్ చేయగా.. తరువాత దీపికా కూడా అతనితో కలిసింది. అనంతరం తిరిగి తమ వెస్టర్న్ డాన్స్ స్టైలుకి వెళ్లిపోతారు. ఈ పాటలో రణబీర్ ప్యాంట్, షర్ట్ వేసుకుంటూనే వాటిమీద వెరైటీ జాకెట్ వేసుకుంటూ కనిపించాడు. ఇక దీపికా ఎప్పటిలాగే తన పొడుగుకాళ్ల అందాలను ప్రదర్శిస్తూ చిందులేసింది. ఈ విధంగా వీరిద్దరూ చిందులేసిన వీడియోను వీక్షించిన నెటిజన్లు... మాజీ ప్రేమజంట మళ్లీ కలుసుకున్నారని, ఇకనుంచి వీళ్లు మళ్లీ డేటింగ్ చేయనున్నారని తమతమ అభిప్రాయాలను వ్యక్తం చేస్తున్నారు. ఆ వీడియో ప్రత్యేకంగా మీకోసం...