నాగ్ తో సరసం చేస్తున్న హాట్ అనసూయ

Posted: 06/25/2014 01:08 PM IST

(Image source from: Anchor anasuya selfie photo with nagarjuna has become hot topic)

‘‘జబర్దస్త్’’ కామెడీ షోలో యాంకర్ గా పనిచేసిన అనసూయ.... రాత్రికి రాత్రే పాపులారిటీని సంపాదించుకుంది. బుల్లితెర ప్రపంచంలో తనదైన ప్రత్యేక పేరును సంపాదించి, ఇతర యాంకర్లను తలదన్నేలా తన ప్రతిభను ప్రదర్శించి ముందుకు దూసుకుపోతోంది. వచ్చిన ప్రతి అవకాశాన్ని సద్వినియోగం చేసుకుంటూ... బుల్లితెర సెలబ్రిటీగా నిలిచిపోయింది.

అనసూయ గతంలో సినిమాల్లో ఆర్టిస్ట్ గా నటించినప్పటికీ... అంతగా గుర్తింపు రాలేదు. దాంతో ఆమె అక్కడి నుంచి జంప్ చేసి, న్యూస్ రీడర్ గా పరిచయం అయింది. అలాగే ఎంటర్ టైన్ మైంట్ ప్రోగ్రాములకు యాంకరింగ్ చేస్తూ.. అతి తక్కువ కాలంలోనే తనకంటూ ఒక ప్రత్యేక ఇమేజీని సంపాదించుకుంది. దాంతో ఈమె ముందుకు అవకాశాలు అమాంతంగా వాలిపోయాయి.

అందులో భాగంగానే జబర్దస్త్ కామెడీ షోకి కొన్నాళ్లవరకు యాంకరింగ్ చేసి, ఆ తరువాత తప్పుకుంది. దీంతో మధ్యలో కొంతసమయం వరకు ఖాళీగా సమయాన్ని గడిపింది. ఆ సమయంలో పవన్ నటించిన అత్తారింటికి దారేది సినిమాలో ఐటమ్ సాంగ్ చేసే అవకాశం వరించినా.. దానిని తిరస్కరించింది. ‘‘ఒకవేళ సినిమాలలో వస్తే హీరోయిన్ గా లేదా ఏదైనా ఒక మంచి క్యారెక్టర్ లో నటిస్తానని’’ మీడియా సమావేశంలో చెప్పుకుంది.

అయితే ఈ విధంగా వచ్చిన ఈ గ్యాప్ లో సినిమా అవకాశాల కోసం కొన్నాళ్లవరకు బాగానే చక్కర్లు కొట్టిందని ఫిల్మ్ నగర్ వర్గాలు తెలుపుతున్నాయి. ఈ చక్కర్లు కొట్టిన నేపథ్యంలోనే అన్నపూర్ణ స్టూడియోస్ కు వెళ్లిన అనసూయ.. అక్కడ నాగార్జునతో కలిసి ఒక సెల్ఫీ ఫోటోకు పోజిచ్చింది. సోషల్ నెట్ వర్కింగ్ సైట్లలో ఎప్పుడూ తన అభిమానులతో టచ్ లో వుండే అనసూయ... తను నాగార్జునతో కలిసి తీసుకున్న ఈ ఫోటోను పోస్ట్ చేసింది. ఈ ఫోటోను కనువిందు చేసిన నెటిజన్లు... సినిమా అవకాశాల కోసమే అనసూయ ఇలా ఈ విధంగా నాగార్జున చనువుగా వుంటోందని అనుకుంటున్నారు.

అయితే అనసూయకు సినిమా అవకాశాలు రాకపోవడంతో మళ్లీ బుల్లితెర బాటవైపే అడుగులు వేయడం ప్రారంభించింది. ఆల్రెడీ ‘‘తడాఖా’’ ప్రోగ్రామ్ తో ప్రేక్షకులను అలరిస్తున్న ఈ బుల్లితెర హాట్ యాంకర్... తాజాగా ‘‘జీ టీవీ’’లో రానున్న '1' ప్రోగ్రామ్ కి కూడా యాంకరింగ్ చేయనుంది. ఏదేమైనా... అనసూయ, నాగార్జునతో కలిసి ఈ విధంగా ఫోటో దిగి మళ్లీ వార్తల్లోకెక్కింది.