‘రభస’ పాటల సందడి ఎప్పుడంటే..

Posted: 06/10/2014 08:01 PM IST

జూనియర్ ఎన్టీఆర్ అభిమానులు పండగ చేసుకునే రోజు త్వరలోనే రానుంది. చాలా కాలం నుండి ఆయన అభిమానులు ఎదురు చూస్తున్న ‘రభస ’ సినిమా ఆడియో ఫంక్షన్ తేదీని అఫీషియల్ గా నేడు ప్రకటించారు. ఈ సినిమా ఆడియోను జులై 20 తేదీన అభిమానుల సమక్షంలో విడుదల చేయనున్నట్లు చెప్పారు. ’కందిరీగ ’ ఫేం సంతోష్ శ్రీనివాస్ దర్శకత్వంలో రూపొందుతున్న ఈ సినిమా షూటింగ్ ప్రస్తుతం హైదరాబాదులో జరుగుతోంది.

ఆమధ్య దర్శకుడు అస్వస్థతకు గురవడంతో చిత్ర నిర్మాణంలో తీవ్రమైన జాప్యం జరిగింది. ఇటీవలే తిరిగి ప్రారంభం అయిన ఈ చిత్ర షూటింగ్ శరవేగంగా జరుగుతుంది. సాధ్యమైనంత తొందరగా ఈ చిత్రాన్ని కంప్లీట్ చేసి, ఆగష్టు 14న చిత్రాన్ని రిలీజ్ చేయడానికి సన్నాహాలు చేస్తున్నారు. ఎన్టీఆర్ సరసన సమంతా, ప్రణీత హీరోయిన్లుగా నటిస్తున్నారు. థమన్ సంగీతాన్ని అందిస్తున్నాడు.