బాలయ్య విలన్ తండ్రయ్యాడు

Posted: 04/21/2014 03:19 PM IST

టాలీవుడ్ హీరో జగపతి బాబు ఇటీవలే తన సెకండ్ ఇన్నింగ్స్ ప్రారంభించి, వైవిధ్యమైన పాత్రలు పోషిస్తూ ప్రేక్షకులను ఆకట్టుకుంటున్నాడు. హీరోగా అవకాశాలు తగ్గడంతో ‘లెజెండ్ ’ సినిమాతో విలన్ గా కెరియర్ ని కొత్తగా ప్రారంభించిన జగపతి మొన్నటి వరకు విలన్ పాత్రలు మాత్రమే చేస్తానని, తండ్రి పాత్రలు అస్సలు చేయనని అన్నాడు.

కానీ ‘లెజెండ్ ’ లో విలనిజం ఇరగదీయటంతో పనికొట్టుకొని దర్శకులు ఆయన కోసం వివిధ పాత్రల్ని క్రియేట్ చేస్తున్నారు. ఈ నేపథ్యంలోనే మహేశ్ బాబు - కొరటాల శివ దర్శకత్వంలో రూపొందబోతున్న చిత్రంలో జగపతి బాబు మహేశ్ తండ్రిగా కనిపించబోతున్నాడట.  ఈ విషయాన్ని.జగపతి బాబు స్వయంగా తెలుపుతూ... టాలీవుడ్ హార్ట్ త్రాబ్ మహేష్ తో వెండితెర పంచుకుంటున్నందుకు ఎగ్జయిట్ అవుతున్నాను ’ అంటూ జగపతి తన ఫేస్ బుక్ పేజీలో పోస్ట్ చేశాడు.

ఇటీవల తాను పోషించిన పాత్రకు మంచి పేరు రావడంతో ఆ పేరును నిలబెట్టుకోవడానికే కాకుండా, మహేశ్ సినిమా ద్వారా తాను ఎలాంటి పాత్రలైనా చేయడానికి సిద్దమనే సంకేతం జగపతి టాలీవుడ్ కి పంపాడని అంటున్నారు. రానున్న రోజుల్లో ఇలాంటి పాత్రలే చేస్తాడా ? ఏదైనా చేయడానికి ఆసక్తి చూపుతారో చూడాలి.  ఇక మహేశ్ - కొరటాల శివ సినిమా విషయానికి వస్తే... ఈ సినిమాను మొదట యూటీవి మోషన్ పిక్చర్స్ నిర్మిస్తుందని అనుకున్నారు. కానీ వారు పెట్టే కండీషన్లకు ఎక్కడో కాలిన మహేష్ ఆ డీల్ క్యాన్సిల్ చేసి మైత్రి సంస్థకు ఈ సినిమా నిర్మించే బాధ్యతను అప్పగించాడు.