అల్లు అర్జున్ -స్నేహా ల కొడుకు పేరు

Posted: 04/14/2014 11:21 AM IST

టాలీవుడ్ స్టైలిష్ స్టార్ అల్లు అర్జున్ - స్నేహారెడ్డి దంపతులకు గత వారం రోజుల క్రితం కుమారుడు జన్మించిన విషయం తెలిసిందే. అల్లు వారి ఫ్యామిలీలోకి జూనియర్ బన్నీ రావడంతో వారి ఆనందానికి అవధులు లేకుండా పోయాయి. ఈ బాబుకు మంచి పేరుంటే సూచించండి అని చెప్పిన అల్లు అర్జున్ చివరకు వారే పేరును ఖరారు చేసుకున్నారు.

తన తనయుడికి అయాన్ అనే పేరును పెట్టినట్లు తెలిపాడు. అయాన్ అంటే... సంస్కృతం దివ్యమైనది, అరబిక్ లో దేవుని బహుమతి , పర్షియన్ భాషలో గుర్తు పెట్టుకోవాల్సింది అనే అర్ధాలు ఉన్నాయి. ఉన్నాయి. మొత్తానికి అయాన్ రాకతో అల్లు అర్జున్ కి కలిసి వచ్చిందనే చెప్పాలి.

ఈయన నటించిన ‘రేసుగుర్రం ’ సినిమా హిట్ టాక్ తెచ్చుకోవడమే కాకుండా, కలెక్షన్స్ లో కూడా దూసుకొని పోతుంది. ఇక ఈసినిమా వసూళ్ల విషయానికి వస్తే... తొలి మూడు రోజుల్లో  ఏపీ /నైజాంలో 15.5 కోట్ల షేరు, ప్రపంచవ్యాప్తంగా 22 కోట్ల షేర్ సాధించిందని ట్రేడ్ వర్గాలు అంటున్నారు.

ఈ సినిమా తొలి రోజు కలెక్షన్లు అల్లు అర్జున్ కెరియర్లోనే బెస్ట్ అన్న రీతిలో వచ్చాయి. తన ఇంట్లోకి అయాన్ రావడం, రేసుగుర్రం హిట్టవ్వడంతో బన్నీ తన స్నేహితులకు గ్రాండ్ పార్టీ కూడా ఇచ్చాడట.