పవన్ కి డేట్స్ ఇచ్చిన శ్రద్దాకపూర్

Posted: 04/07/2014 08:11 PM IST

Shraddha kapoor signs for pawan kalyan film

పవర్ స్టార్ పవన్ కళ్యాణ్ త్వరలో నటించబోయే ‘గబ్బర్ సింగ్ -2 ’ చిత్రంలో ఇప్పటి వరకు హీరోయిన్ ఎంపిక కాలేదు. ఇప్పటి వరకు చాలా మంది హీరోయిన్ల పేర్లు వినిపించినా వాటిల్లో ఏది నిజం కాలేదు. ఈ సినిమా ప్రారంభోత్సవం తరువాత రెగ్యులర్ షూటింగ్ ప్రారంభం కావాల్సి ఉన్నా పవన్ ‘జనసేన ’ పార్టీ పెట్టడంతో ఈ సినిమా అటకెక్కిందని అంతా భావించారు.

కానీ ఇటీవలే పవన్ ఈ ఎన్నికల్లో ‘జనసేన ’ పోటీ చేయడం లేదని చెప్పడంతో ఈ సినిమాను సెట్స్ పైకి తేవడానికి సన్నాహాలు మొదలుపెట్టారు. ఎప్పటి నుంచో పెండింగులో వుండిపోయిన ఈ సినిమా కథానాయిక ఎంపిక పూర్తయిందని అంటున్నారు. 'ఆషికి' సినిమా ద్వారా వెలుగులోకొచ్చిన శ్రద్ధ కపూర్ (ప్రముఖ బాలీవుడ్ నటుడు శక్తి కపూర్ తనయ) ఇందులో కథానాయికగా ఎంపికైందట.

ఇందులో నటించడానికి ఆమె డేట్స్ కూడా కేటాయించిందని చెబుతున్నారు. మొత్తానికి పవన్ సినిమాకు కథానాయిక ఎంపిక కావడంతో చిత్ర యూనిట్ ఊపిరి పీల్చుకుంది. వచ్చే నెలలో ఈ సినిమా షూటింగ్ మొదలయ్యే అవకాశాలు ఉన్నాయి.