సంపూ బాబు 'కొబ్బరిమట్ట'తో....

Posted: 03/28/2014 06:06 PM IST

టాలీవుడ్ బర్నింగ్ స్టార్  కొబ్బరిమట్టతో వస్తున్నాడు.. 'హృదయ కాలేయం' అనే సినిమాతో హీరోగా ఎంట్రీ ఇస్తున్న 'సంపూ' ఈ మూవీకి సంబంధించిన ఒకే ఒక్క టీజర్ తో సంచలనం సృష్టించాడు. ఈమూవీ టీజర్ విడుదలైన అతి తక్కువ టైమ్ లోనే అత్యధిక లైక్స్ తో టాలీవుడ్ స్టార్సే అవాక్కయ్యేలా చేసింది. 

దీంతో ఇండస్ట్రీలో ఈ హీరో 'బర్నింగ్ స్టార్' అయ్యాడు. ఇక నెటిజన్లు అయితే ముద్దుగా 'సంపూ' అని పిలుచుకుంటున్నారు. ఇక స్టార్ హీరోల డైలాగ్స్ కు సెటైర్ గా వస్తున్న 'హృదయ కాలేయం' విడుదలకు సిద్ధంగా ఉంది. అయితే సంపూ ఇప్పుడు అందరినీ ఆశ్చర్య పరుస్తూ.. మరో సినిమా చేయడానికి రెడీ అయిపోయాడు. 

దీనికి టైటిల్ కూడా ఖరారు చేశారు. 'హృదయ కాలేయం' దర్శకుడు స్టీవెన్ శంకర్ డైరెక్షన్ లోనే తెరకెక్కబోయే ఈ సినిమాకు 'కొబ్బరిమట్ట' అనే టైటిల్ ఓకే చేశారు. ఇందులో మరో విశేషం ఏమిటంటే.. సంపూ ఏకంగా త్రిపాత్రాభినయం చేస్తున్నాడట. ఇది త్వరలో తెరకెక్కనుందని టాలీవుడ్ టాక్.

ఆర్ఎస్