హల్ చల్ చేస్తున్న మహేష్ ‘ఆగడు’ వీడియో

Posted: 02/26/2014 05:37 PM IST

సినిమా ఇండస్ట్రీకి పైరసీ భూతం, లీకుల గోల ఎక్కువైంది. ఇప్పటికే పలువురు స్టార్ హీరో సినిమాలు, షూటింగ్ లొకేషన్లో సీన్లు లీకై కలకలం రేపాయి. మొన్నటికి మహేష్ బాబు ‘వన్ ’ సినిమా స్టిల్స్ కూడా విడుదలకు ముందే నెట్లో హల్ చల్ చేశాయి. ఇప్పుడు అతని సినిమాకు సంబంధించిన షూటింగ్ మీడియో ఒకటి హల్ చల్ చేస్తుంది.

టాలీవుడ్ ప్రిన్స్ మహేష్ బాబు - శీను వైట్ల కాంబినేషన్లో తెరకెక్కతున్న ‘ఆగడు ’ షూటింగ్ ప్రస్తుతం బళ్ళారిలో శరవేగంగా జరుపుకుంటున్న విషయం తెలిసిందే. ఈ షూటింగ్ కు సబంధించిన వీడియో ఎలా లీకై బయటకు వచ్చిందో కానీ, బ్యాక్గ్రౌండులో ఓ గనికి సంబంధించిన బ్లాస్టింగ్ జరుగుతుండగా ఫుల్హ్యాండ్స్ షర్టు మడత పెట్టుకుంటూ మహేష్ నడుచుకుంటూ వస్తున్న సన్నివేశం ఆ వీడియోలో ఉంది.

దాదాపు ఇరవై సెకండ్లు ఉన్న ఈ వీడియోలో మహేష్ హ్యాండ్ సమ్ గా కనిపిస్తున్నాడు. ఈ చిన్న పాటి క్లిప్పింగ్ ను చూసి మహేష్ అభిమానులు ఈ సినిమా సూపర్ హిట్టు అవ్వడం ఖాయం అంటున్నారు. ఈ చిత్రంలో మహేష్ బాబు పవర్ఫుల్ పోలీస్ ఆఫీసర్ పాత్రలో నటిస్తున్నాడు. ఎన్కౌంటర్ స్పెషలిస్ట్గా ఆయన ఇందులో కనపడతాడని అంటున్నారు.

అలాగే, మహేష్- మిల్కీ బ్యూటీ తమన్నా కాంబినేషన్ కూడా తొలిసారి వెండితెరపై ఈ చిత్రం ద్వారానే కనపడబోతోంది. ఇంత వరకు ఫస్ట్ లుక్ కూడా విడుదల కానీ ఈ సినిమా వీడియో లీకవ్వడం చిత్ర యూనిట్ వర్గాల్లో ఆందోళనకు కలగజేస్తుంది.

Knr