లెజెండ్ శాటిలైట్స్ రైట్స్ కి భారీ డిమాండ్

Posted: 02/22/2014 05:37 PM IST

‘సింహా ’ లాంటి బ్లాక్ బస్టర్ హిట్ ఇచ్చిన బోయపాటి శీనుతో బాలయ్య చేస్తున్న చిత్రం  ‘లెజెండ్ ’. వీరిద్దరి కాంబినేషనల్లో వచ్చిన ఆ చిత్రం మంచి విజయాన్ని సాధించిన తరువాత బాలయ్య చేసిన చిత్రాలు ఏమీ హిట్టు రాకపోవడంతో మళ్లీ అతనితో చేయడానికే మొగ్గు చూపాడు. ప్రస్తుతం షూటింగ్ చివరి దశకు వచ్చిన ఈ సినిమాకు సంబంధించిన శాటిలైట్ హక్కుల కోసం భారీగా పోటీ ఏర్పడటంతో దర్శక నిర్మాతలు కూడా భారీగానే రేటు చెబుతున్నారట.

బోయపాటి-బాలయ్య క్రేజీ కాంబినేషనల్లో వస్తున్న చిత్రం కావడంతో జెమినీ టీవి, మా టీవీ వారు పోటీ పడుతుండటంతో నిర్మాతలు ఎనమిదిన్నర కోట్ల వరకు చెబుతుంటే వారు కోటి తగ్గించి అడుగుతుండటంతో ఈ సినిమా రైట్స్ ఇంకా ఎవ్వరికి ఇవ్వలేదని తెలుస్తుంది. ఈ చిత్రాన్ని 14రీల్స్‌ ఎంటర్‌టైన్మెంట్స్‌, వారాహి చలనచిత్రం పతాకంపై నిర్మాతలు రామ్ ఆచంట, గోపిచంద్ ఆచంట, అనిల్ సుంకర నిర్మిస్తున్నారు.

బాలయ్య సరసన రాధికా ఆప్టే, సోనాల్‌ చౌహాన్‌ హీరోయిన్స్ గా నటిస్తున్నారు. పవర్ ఫుల్ పొలిటికల్ బ్యాక్ డ్రాప్ లో తెరకెక్కుతున్న ఈ చిత్రంలో పవర్ ఫుల్ డైలాగులే కాకుండా, బాలయ్యను యంగ్ అండ్ డైనమిక్ గా చూపిస్తున్నాడు బోయపాటి శీను. మరి ఇంత డిమాండ్ ఉన్న ఈ సినిమా రైట్స్ ఏ టీవీ వారు దక్కించుకుంటారో చూడాలి.