ఆటో ఈనెల 27న రావడం లేదా ?

Posted: 02/21/2014 08:46 PM IST

చేసినవి కొన్ని సినిమాలే అయినా మంచి దర్శకుడిగా పేరు తెచ్చుకున్న దర్శకుడు దేవాకట్టా నాగచైతన్య తో ‘ఆటో నగర్ ’ సూర్య సినిమాను తెరకెక్కించాడు. ఎంతో కష్టపడి రూపొందిన ఈ సినిమా ఇంత వరకు విడుదలకు నోచుకోక పోగా, షూటింగ్ సమయంలో అవాంతరాలు ఎదురయ్యాయి. వాటన్నింటిని చేదించుకొని ఈ నెల 27  ఆరు నూరైనా ఆటోకు బ్రేకులు వేసేది లేదని చెప్పారు చిత్ర యూనిట్.

కానీ తాజాగా అందుతున్న సమాచారం ప్రకారం ఈ సినిమా మళ్లీ వాయిదా పడినట్లు విశ్వసనీయ వర్గాల ద్వారా తెలిసింది. ఇప్పటికే పలుసార్లు వాయిదా పడిన ఈ సినిమా ఈసారైనా విడుదల అవుతుందని ఆశగా ఎదురు చూశాడు దర్శకుడు. కానీ తాను ట్విట్టర్లో చేసిన వ్యాఖ్యలను బట్టి చూస్తుంటే ‘ఆటో ’ ఆ రోజు రావడం లేదని తెలుస్తుంది. ఏ సినిమా అయినా రిలీజ్ విషయానికి వస్తే, ఆ సినిమా దర్శకుడు కూడా ప్రేక్షకుడు లాంటి వాడే. తనకి వేరే దారి లేదు... నిర్మాతలు చెబితే అది నమ్మాల్సిందే. అంటూ తన బాధను వెల్లడించాడు.

ఈ సినిమా తరువాత నుండి వేరే ప్రాజెక్టు మొదలు పెట్టలేక, ఆ సినిమా రిజల్టు కోసం వేయి కళ్లతో వేచి చూస్తున్నాడు దేవాకట్టా. ఈ ఆటో ఎప్పటికి వస్తుందో దానికి తెలియని పరిస్థితి ఏర్పడింది.