మోహన్ బాబు ‘రౌడీ ’ గా అదుర్స్

Posted: 02/21/2014 02:35 PM IST

దర్శకుడు రామ్ గోపాల్ వర్మ డైలాగ్ కింగ్ మోహన్ బాబుతో త్వరలో ‘రౌడీ ’ అనే చిత్రాన్ని తెరకెక్కించబోతున్న సంగతి తెలిసిందే. ఈ చిత్రానికి సంబంధించిన ఫస్ట్ లుక్ ని విడుదల చేశారు. పైన ఫోటోలో కనిపిస్తున్న చిత్రం అదే. ఈ ఫోటోలో లుంగీ కట్టుకొని నిల్చున్న వ్యక్తే మోహన్ బాబు. ఈయన ప్రధాన పాత్ర పోషిస్తున్న ఈ చిత్రాన్ని వర్మ ప్రస్తుత సమకాలీన రాజకీయాల పై తనదైన సెటైర్స్ తో తెరకెక్కించబోతున్నాడు.

అత్యాధునిక టెక్నాలజీతో మోహన్ బాబును విలక్షణమైన గెటప్ లో చూపించబోతున్న ఈ సినిమా షూటింగు త్వరలో ప్రారంభించబోతున్నాడు. షార్ట్ టర్మ్ లో సినిమాను తెరకెక్కించే వర్మ ఈ సినిమాను కూడా సాధ్యమైనంత తొందరగా షూటింగ్ కంప్లీట్ చేసి విడుదల చేయాలని చూస్తున్నాడు.

ఇక ఈ సినిమాకు సంబంధించిన తారా గణాన్ని, మోహన్ బాబు సరసన హీరోయిన్ ని ఎంపిక చేయాల్సి ఉంది. బాలక్రిష్ణ లాంటి వారికే హీరోయిన్లు దొరకడం కష్టమైన ఈ రోజుల్లో మోహన్ బాబు సరసన నటించడానికి ఎవరు ముందుకు వస్తారో చూడాలి.