‘ఒకాసా’ ఫిలిం ఫెస్టివల్ కి ‘బాద్ షా ’

Posted: 02/12/2014 05:33 PM IST

ఇటీవలి కాలంలో వరుస పరాజయాలు చవి చూస్తున్న జూనియర్ ఎన్టీఆర్ కి కాస్తంత సంతోషం కలిగించే విషయం ఇది. ఈయన నటించిన ‘బాద్ షా ’ చిత్రం బాక్సాఫీసు వద్ద అనుకున్న రేంజ్ లో వసూళ్ళు సాధించక పోయినా, ఈ చిత్రం జపాన్ లో జరిగే ‘ఒకసా’ ఫిలిం ఫెస్టివల్ కి ఎంపికయ్యింది.

శ్రీనువైట్ల దర్శకత్వంలో భారీ బడ్జెట్ తో రూపొందిన ఈ చిత్రం వచ్చే నెలలో జరిగే ఈ చిత్రోత్సవాల్లో ప్రదర్శిస్తారు. భారతీయ సినిమా నుండి ఎంపిక అయిన రెండు సినిమాలో ‘బాద్ షా ’ ఉండటం విశేషం. బాలీవుడ్ నుండి ‘బాగ్ మిల్కా బాగ్ ’ , టాలీవుడ్ నుండి ‘బాద్ షా ’ ఎంపిక చేశారు. ఈ చిత్రాన్ని చిత్రోత్సవం చివరి రోజు ప్రదర్శనకు ఉంచుతారు.

ఇటీవలి కాలంలో జూనియర్ ఎన్టీఆర్ కి జపాన్ లో ఫుల్ ఫ్యాన్ ఫాలోయింగ్ పెరుగుతున్న నేపథ్యంలో ఈ చిత్రం ఎంపిక కావడం సంతోషించాల్సిన అంశం. సౌత్ ఇండియా సినీ స్టార్లలో రజనీకాంత్ కి తప్ప జపాన్ లో ఏ హీరో కి లేదు. కానీ జూనియర్ ఎన్టీఆర్ కి రజినీ తరువాత స్థానం ఉండటం విశేషం.