విదేశీ హక్కులు భారీ రేటుకు...

Posted: 02/01/2014 10:01 AM IST

టాలీవుడ్ లో శీను వైట్ల - మహేష్ బాబు కాంబినేషన్లో వచ్చిన ‘దూకుడు ’ సినిమా ఎంత సంచలన విజయాన్ని సాధించిందో అందరికి తెలిసిందే. ప్రస్తుతం వీరిద్దరి కాంబినేషన్లో ‘ఆగడు ’ సినిమా తెరకెక్కుతుంది. షూటింగు దశలోనే ఉన్న ఈ సినిమాకు అప్పుడే బిజినెస్ పరంగా మంచి డిమాండ్ ఏర్పడింది. ఈ సినిమా సంబంధించిన ఓవర్సీస్ హక్కులు ఆరు కోట్లకు యూఎస్ లోని ఓ ఫైనాన్షియర్ కొన్నట్లు సమాచారం.

ఈ సినిమాకు ఇంత భారీ రేటు పలకడానికి ఇటీవల వచ్చిన ‘1 ’ సినిమా రికార్డు కలెక్షన్లు సాధించడంతో పాటు, గతంలో ‘దూకుడు ’ రికార్డులే కారణం అంటున్నారు సినీ విశ్లేషకులు. ఏది ఏమైనా వీరిద్దరి కాంబినేషన్లో సినిమా అంటే స్వదేశంలోనే కాకుండా విదేశాల్లో కూడా మంచి డిమాండ్ ఏర్పడింది. ప్రస్తుతం హైదరాబాద్ లో శర వేగంగా షూటింగు జరుపుకుంటున్న ఈ చిత్రానికి థమన్ మ్యూజిక్ అందిస్తుండగా, మహేష్ సరసన తొలిసారిగా తమన్నా జత కడుతుంది. ఈ సినిమాలో మహేష్ బాబు పోలీస్ ఆఫీసర్ పాత్రలో కనిపించబోతున్నాడు.