చరణ్ కొత్త సినిమా టైటిల్ ఇదే ?

Posted: 01/21/2014 09:49 AM IST

మెగా పవర్ స్టార్ రామ్ చరణ్ తేజ్ నటించిన ‘ఎవడు ’ సినిమా సూపర్ హిట్టయిన ఆనందంలో ఉండి ఇప్పుడిప్పుడే బయటికి వస్తున్న చెర్రీ తన తదుపరి సినిమా క్రిష్ణ వంశీ దర్శకత్వంలో చేయడానికి సిద్దం అవుతున్నాడు. జనవరి 26వ తేదీ నుండి సెట్స్ పైకి వెళ్ళేందుకు సిద్దం అవుతున్న ఈ సినిమాకు టైటిల్ గా ‘గోవిందుడు అందరి వాడేలే ’ అనే టైటిల్ ని పరిశీలిస్తున్నట్లుగా సినిమా వర్గాల సమాచారం.

గతంలో జూనియర్ ఎన్టీఆర్ నటించిన ‘బ్రుందావనం ’ సినిమా ట్యాగ్ లైన్ నుండి తీసుకున్నట్లు చెబుతున్నారు. ఫ్యామిలీ ఎంటర్ టైనర్ గా తెరకెక్కే ఈ సినిమాలో ఉమ్మడి కుటుంబాల మాధుర్యాన్ని తెలియజేసే ఈ కథకు టైటిల్ సరిగ్గా సరిపోతుందని భావిస్తున్నారట.

ఈ చిత్రాన్ని భారీ బడ్జెట్ తో బండ్ల గణేష్ నిర్మిస్తుండగా, యస్. యస్. థమన్ సంగీతాన్ని అందిస్తున్నాడు. శ్రీకాంత్, కమలిని ముఖర్జీ ముఖ్యపాత్రలో నటిస్తుండగా, చెర్రీ సరసన కాజల్ నటిస్తుంది. ఈ సినిమాను దసరా కానుకగా ప్రేక్షకుల ముందుకు తీసుకువచ్చే విధంగా షెడ్యూల్ చేస్తున్నారు.