ఎట్టకేలకు ఇవాళ వస్తున్న పవన్

Posted: 01/17/2014 10:07 AM IST

మెగా ఫ్యామిలీ నుండి టాలీవుడ్ కి ఎంట్రీ ఇవ్వబోతున్న మరో మెగా హీరో సాయిధరమ్ తేజ్ నటించిన రేయ్ సినిమా ఆడియో నేడు పవన్ కళ్యాణ్ చేతుల మీదుగా విడుదల కాబోతుంది. ఇప్పటికే పలు సార్లు వాయిదా పడిన ‘రేయ్ ’ సినిమా శిల్పకళా వేదికలో నిర్వహించబోతున్నారు. గత కొన్ని రోజుల క్రితమే విడుదల కావాల్సిన ఈ ఆడియో పవన్ కళ్యాణ్ బిజీ షెడ్యూల్ కారణంగా రాకపోవడంతో వాయిదా వేశారు. కానీ నేడు పవన్ తప్పకుండా వస్తుండటంతో దర్శక నిర్మాత అయిన వైవీఎస్ చౌదరి భారీ ఏర్పాట్లు చేస్తున్నాడు.

మొదటి నుండి ఈ సినిమా ఆడియోకు మెగా హీరోను పిలిచి సినిమాకు హైప్ తేవాలని చూస్తున్న చౌదరి తను అనుకున్నది సాధించాడని అంటున్నారు. ప్రముఖ సంగీత దర్శకుడు చక్రీ అందించిన స్వరాలు ఈ సినిమాకు హైలెట్ గా నిలుస్తాయని అంటున్నారు. ఈ సినిమాను ఫిబ్రవరి 5వ తేదీన విడుదల చేయడానికి సన్నాహాలు చేస్తున్నారు. మెగా హీరో ధరమ్ తేజ్ డెబ్యూట్ మూవీగా వస్తున్న ఈ సినిమా లో సయామీఖర్ శారదా దాస్ నటిస్తున్నారు.